ఆకివీడు, జూలై 29: ఆకివీడులో శుక్రవారం ఉదయం వర్షం బీభత్సం సృష్టించింది. ఉదయం 7 గంటల నుంచి 9 గంటల వరకు ఎడతెరిపి లేకుండా వర్షం పడింది. భారీవర్షంతో సంతమార్కెట్, పెద్దింట్లమ్మ అమ్మవారి వీధి, రెడ్డి వీధి, అమృతరావుకాలనీ, కూరగాయల మార్కెట్, చినపల్లివీధి మోకాలు లోతు వర్షపునీటిలో మునిగాయి. అందేవారిబోదె ఉద్ధృతంగా ప్రవహించింది. ఈ ప్రాంతంలోని బాలికోన్నత పాఠశాలలోకి వర్షపునీరు చొచ్చుకుపోయింది.

తాడేపల్లిగూడెం, జులై 29: అకారణంగా చెట్లు నరికితే క్రిమినల్ కేసులు నమోదు చేయడంతోపాటు బాధ్యులపై కఠినచర్యలు తీసుకుంటామని దేవాదాయ శాఖ మంత్రి పైడికొండల మాణిక్యాలరావు హెచ్చరించారు. రూరల్ మండలం వెంకట్రామన్నగూడెంలో వనం-మనం కార్యక్రమం శుక్రవారం ఆయన ప్రారంభించి మాట్లాడారు. చెట్లు నరికివేతపై చట్టాన్ని సవరించేందుకు ప్రభుత్వం చర్యలు చేపడుతుందన్నారు.

తాడేపల్లిగూడెం, జులై 29: ఏలూరు కాలువలో ఈతకు వెళ్లి ఇంజనీరింగ్ విద్యార్థి గల్లంతైన సంఘటన తాడేపల్లిగూడెంలో శుక్రవారం చోటుచేసుకుంది. ఈ సంఘటనకు సంబంధించిన వివరాలిలా ఉన్నాయి. వాసవీ ఇంజినీరింగ్ కాలేజీలో మెకానికల్ ఇంజినీరింగ్ ఫైనలియర్ చదువుతున్న మాకా ఫణికుమార్ (21) రోజూ జిమ్‌కు వెళ్లి అనంతరం ఏలూరు కాలువలో ఈత కొట్టేవాడు.

హైదరాబాద్, జూలై 29: పద్మభూషణ్ డా. సి.నారాయణరెడ్డి సాహిత్యం కేవలం నగరవాసులకే పరిమితం కాకుండా గ్రామీణ ప్రాంతాల ప్రజలు కూడా చదవడానికి వీలుగా సినారె సాహిత్యాన్ని గ్రామాలకు చేరే విధంగా తెలంగాణ రాష్ట్ర సలహాదారులు కెవి రమణాచారి, డా. శ్రీనివాస్ ఆళ్ళ ప్రత్యేక శ్రద్ధ తీసుకోవాలని మహారాష్ట్ర గవర్నర్ సిహెచ్ విద్యాసాగర్‌రావు సూచించారు.