వికారాబాద్, జూలై 29: తమ సమస్యలు పరిష్కరించాలని కోరుతూ 12 రోజులుగా సమ్మె చేస్తున్న ఏఎన్‌ఎంలు శుక్రవారం వికారాబాద్ అర్‌అండ్‌బి అతిథిగృహానికి వచ్చిన రంగారెడ్డి జిల్లా పరిషత్ చైర్‌పర్సన్ పి.సునీతామహేందర్‌రెడ్డి, శాసనసభ్యుడు బి.సంజీవరావులకు వినతిపత్రం ఇచ్చారు. సమస్యల్లో ఒకటైన వేతనాలు పెంచాలని ఏఎన్‌ఎంలు కోరడంతో స్పందించిన జడ్పీచైర్‌పర్సన్ పది వేల రూపాయల వేతనం సరిపోదా అంటూ ప్రశ్నించారు.

హైదరాబాద్, జూలై 29: తెలంగాణ రాష్ట్ర ప్రభుత్వం నిర్వహించిన ఎంసెట్-2 పరీక్షను రద్దు చేయవద్దని ర్యాంకర్లు..తల్లిదండ్రులు శుక్రవారం నిర్వహించిన ఆందోళనలు..నిరససనల సెగ ఇందిరాపార్కుకూ తాకింది. తొలుత సచివాలయం వద్ద ఆందోళనకు దిగిన తల్లిదండ్రులు పోలీసులు అడ్డుకోవటంతో ర్యాంకర్లు, తల్లిదండ్రులు ఎవరికి వారు వేర్వేరుగా ఇందిరాపార్కుకు చేరుకున్నారు.

హైదరాబాద్, జూలై 29: దారిద్ర రేఖకు దిగువనున్న (బిపిఎల్) కుటుంబాలకు ఒక్క రూపాయికే వాటర్ కనెక్షన్ అందించేందుకు సర్కారు ఆదేశాలు జారీ చేసింది. ఫుడ్ సెక్యూరిటీ కార్డులు కలిగిన వారికి, బిపిఎల్ కార్డులు కలిగిన పేద ప్రజలకు కేవలం రూపాయికే నీటి కనెక్షన్‌ను ప్రభుత్వం ఇవ్వనుంది. ఈమేరకు తెలంగాణ ప్రభుత్వం ఇంటింటికి నల్లా పథకంలో భాగంగా ప్రజలకు మెరుగైన సేవలు అందించేందుకు అడుగులు ముందుకు వేస్తోంది.

హైదరాబాద్, జూలై 29: గ్రేటర్ హైదరాబాద్ ప్రజలకు జలమండలి పరంగా మెరుగైన సేవలను అందిస్తున్నామని, వినియోగదారులు కూడా తమ వంతు బాధ్యతాయుతంగా వ్యవహరించి సకాలంలో నీటి బిల్లులు చెల్లించాలని జలమండలి మేనేజింగ్ డైరెక్టర్ ఎం.దానకిషోర్ స్పష్టం చేశారు. గ్రేటర్ హైదరాబాద్‌లో 8.76 లక్షల నీటి కనెక్షన్లు ఉన్నాయని తెలిపారు.