పర్చూరు, జూలై 28: త్వరలో జరగబోయే కృష్ణా పుష్కరాలకు ట్రాఫిక్‌కు అంతరాయం లేకుండా చర్యలు చేపడుతున్నట్లు చీరాల డిఎస్పీ ప్రేమ్‌కాజల్ వెల్లడించారు. డిఎస్పీ మండలం కేంద్రమైన పర్చూరులోని బొమ్మలసెంటరులో గురువారం గుంటూరు వైపు వెళ్తే ఆర్ అండ్ బి రోడ్డును పరిశీలించారు. వాహనాల రాకపోకలకు అంతరాయం కల్పించే వారిపై చర్యలు తీసుకోవాలని ఆదేశించారు.

శ్రీకాకుళం(టౌన్), జూలై 28: డయల్ యువర్ మినిస్టర్ కార్యక్రమానికి స్పందన అంతంత మాత్రంగానే ఉందని రాష్ట్ర పౌరసరఫరాల శాఖ మంత్రి పరిటాల సునీత అన్నారు. ఇదే కార్యక్రమాన్ని అనంతపురం జిల్లాలో నిర్వహిస్తే 33 వినతులు వచ్చాయన్నారు. అయితే, సమయాభావం, ఒక్కో వ్యక్తి అధిక సమయం తీసుకోవడం వలన వినతులు తగ్గినట్టు ఆమె చెప్పారు.

శ్రీకాకుళం, జూలై 28: టెక్కలి మండలంలో నివాసం ఉంటున్న టి.గోపికృష్ణ అనే ప్రొఫెసర్‌ను లిబియా ఉగ్రవాదులు బందీగా ఉంచారని, వారి నుంచి విమూక్తి కల్పించమంటూ శ్రీకాకుళం పార్లమెంటు సభ్యుడు రామ్మోహన్‌నాయుడు కేంద్ర విదేశాంగమంత్రి సుష్మాస్వరాజ్‌ను కలిసి కోరారు. గురువారం ఢిల్లీలో కేంద్రమంత్రిని కలిసి గోపీకృష్ణ కుటుంబ సభ్యులు పడుతున్న వేదన వివరించారు.

శ్రీకాకుళం(రూరల్), జూలై 28: జాయింట్ కలెక్టర్ వివేక్‌యాదవ్ జిల్లాకు అందించిన సేవలు ప్రశంసనీయమని రాష్ట్ర కార్మిక శాఖామంత్రి అచ్చెన్నాయుడు పేర్కొన్నారు. గురువారం సాయంత్రం కలెక్టర్ కార్యాలయ సమావేశ మందిరంలో రెవెన్యూ అసోసియేషన్ ఏర్పాటున చేసిన అభినందన వీడ్కోలు కార్యక్రమానికి మంత్రి ముఖ్య అతిథిగా పాల్గొన్నారు.