S ,7 à 8 RSCA (si SASPAS) et 6 cialis pharmacie cialis rapports de stage.
విక్రమ్, నయనతార, నిత్యామీనన్ ముఖ్యపాత్రల్లో తమిళంలో రూపొందుతున్న ‘ఇరుమగన్’ చిత్రాన్ని ‘ఇంకొక్కడు’ పేరుతో తెలుగులో విడుదల చేస్తున్నారు. దీనికి సంబంధించిన తెలుగు హక్కులను దక్కించుకుంది ఎన్.కె.ఆర్ ఫిలింస్. శివపుత్రుడు, అపరిచితుడు, నాన్న, ఐ వంటి విలక్షణ సినిమాలతో ఆకట్టుకున్న విక్రమ్, కొంత గ్యాప్ తరువాత చేస్తున్న ఈ సినిమాపై భారీ అంచనాలు నెలకొన్నాయి.
ఎన్టీఆర్ నటిస్తున్న ‘జనతా గ్యారేజ్’ జోరుగా షూటింగ్ జరుపుకుంటోంది. దీన్ని సెప్టెంబర్ 2న విడుదల చేసేందుకు సన్నాహాలు చేస్తున్నారు. కొరటాల శివ దర్శకత్వంలో తెరకెక్కుతున్న ఈ సినిమాపై భారీ అంచనాలు నెలకొన్నాయి. ట్రేడ్ వర్గాల్లో హల్‌చల్ చేస్తున్న ఈ సినిమా బిజినెస్ కూడా 60 కోట్లకుపైగానే జరిగిందని సమాచారం. ప్రస్తుతం ఈసినిమా శాటిలైట్ హక్కులు హాట్ కేక్‌లా అమ్ముడయ్యాయట.
ఈమధ్య ఓ హీరో కోసం మరో పాట పాడటం సాధారణమైంది. తమిళ హీరో ధనుష్ ఇటీవలే ఓ పాట పాడిన విషయం తెలిసిందే. సాయిధరమ్‌తేజ్ హీరోగా రూపొందుతున్న తిక్క చిత్రం కోసం ధనుష్ ఓ పాట పాడాడు. ఇపుడు ఈ సినిమా కోసం మరో తమిళ హీరో కూడా గొంతు కలిపాడు. ఒకే చిత్రంలో ఇలా ఇద్దరూ తమిళ హీరోలు పాటలు పాడటం విశేషం.
నాగశౌర్య, పారుల్, సరయు హీరో హీరోయిన్లుగా లారెన్స్ దాసరి దర్శకత్వంలో శ్రీ సత్యవిదుర మూవీస్ పతాకంపై ఎం.వి.చౌదరి, నాగరాజ్‌గౌడ్ నిర్మిస్తున్న చిత్రం ‘నీ జతలేక’. ఈ చిత్రం అన్ని కార్యక్రమాలు పూర్తిచేసుకుని ఆగస్టు 13న విడుదలవుతున్న సందర్భంగా హీరో నాగశౌర్య చెప్పిన విశేషాలు..
అచ్చమైన ప్రేమకథ
ప్రస్తుతం టాలీవుడ్‌లో క్రేజీ హీరోయిన్‌గా తక్కువ సినిమాలతోనే ఎక్కువ గుర్తింపు తెచ్చుకుంది రాశీఖన్నా. అందానికి అందం, నటనకు నటనతో ఆకట్టుకుంటున్న ఈ భామకు తెలుగులో అవకాశాలు జోరుగా వస్తున్నాయి. ఇటీవలే సుప్రీమ్ సినిమాతో మంచి విజయాన్ని అందుకున్న రాశి తాను ఛాలెంజింగ్ పాత్రలు కూడా చేయాలని ఆశపడుతోందట. కేవలం గ్లామర్‌కే పరిమితం కాకుండా నటనతోనూ ప్రూవ్ చేసుకోవాలని వుందని చెబుతోంది.
ఆది హీరోగా వీరభద్రమ్ దర్శకత్వంలో శ్రీ ఐశ్వర్య లక్ష్మీ మూవీస్, ఎస్‌ఆర్‌టి ఎంటర్‌టైన్‌మెంట్స్ పతాకాలపై వెంకట్ తలారి, రామ్ తాళ్ళూరి నిర్మిస్తున్న ‘చుట్టాలబ్బాయి’ ఆగస్టులో ఈ చిత్రం విడుదలకు సిద్ధమైంది. ఇందులో ముఖ్యపాత్రలో నటిస్తున్న సాయికుమార్ తన జన్మదినం సందర్భంగా మాట్లాడుతూ, ‘నేను, ఆది కలిసి నటించాలనుకుని మంచి కథ కోసం ఎదురుచూసిన సమయంలో ఈ అవకాశం వచ్చింది. మేమిద్దరం చేసిన తొలి చిత్రం ఇది.
నూతన కథానాయకుడు నిఖిల్‌కుమార్‌ను పరిచయం చేస్తూ చెన్నాంబిక ఫిలింస్ పతాకంపై ఎ.మహదేవ్ దర్శకత్వంలో అనితా కుమారస్వామి రూపొందిస్తున్న చిత్రం ‘జాగ్వార్’. కర్నాటక మాజీ ముఖ్యమంత్రి హెచ్.డి.దేవెగౌడ మనవడైన నిఖిల్‌కుమార్‌ను తెలుగులో పరిచయం చేస్తున్నారు.
నాగచైతన్య, మంజిమా మోహన్ జంటగా ద్వారకా క్రియేషన్స్ పతాకంపై వాసుదేవ మీనన్ దర్శకత్వంలో మిరియాల రవిందర్‌రెడ్డి రూపొందిస్తున్న చిత్రం ‘సాహసం శ్వాసగా సాగిపో’. ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు ముగింపు దశలో వున్నాయి. ఈ సందర్భంగా నిర్మాత మాట్లాడుతూ- ఈ సినిమాను అన్ని కార్యక్రమాలు పూర్తిచేసి వచ్చే నెల 19న విడుదల చేయడానికి సన్నాహాలు చేస్తున్నామని తెలిపారు.
ఏదేమైనా సన్నీలియోన్ తీరే వేరు. పోర్న్‌స్టార్‌గా కెరీర్‌ను ప్రారంభించిన ఆమె ఇప్పుడు సరికొత్త రికార్డులను సృష్టించడానికి సిద్ధమవుతోంది. గతంలో ఎవరూ చేయని ప్రయోగం ఆమెపై చేయనున్నారు. తన కథలో తానే నటించడం అనేది ఓ రికార్డ్. గతంలో ఇద్దరు, ముగ్గురు ఇలాంటి ప్రయోగాలు చేసినా, తన చుట్టూ వున్న పాత్రలు కూడా ఆ నిజమైన నటులే నటించడం ఇక్కడ సరికొత్త రికార్డు.
తెలుగు తెరపై తిరుగులేని ఇమేజ్‌ని సొంతం చేసుకుంది మహానటి సావిత్రి. ఆమె తన జీవితంలో ఎన్నో ఎత్తుపల్లాలు ఉన్నాయి. ఆమె జీవిత కథతో ఓ సినిమా చేయడానికి సన్నాహాలు చేస్తున్నాడు దర్శకుడు నాగ్ అశ్విన్. ‘ఎవడే సుబ్రహ్మణ్యం’ సినిమాతో దర్శకుడిగా పరిచయమైన ఆయన తన రెండో ప్రయత్నంగా ఈ చిత్రాన్ని రూపొందిస్తున్నాడు. ఇప్పటికే స్క్రిప్ట్‌తో సహా అన్ని కార్యక్రమాలు పూర్తికాగా, ప్రస్తుతం హీరోయిన్ అనే్వషణలో ఉన్నాడట.