మచిలీపట్నం, డిసెంబర్ 5: ప్రభుత్వ పాఠశాలలను కార్పొరేట్ పాఠశాలల స్థాయిలో వౌలిక వసతుల కల్పన, అభివృద్ధికి ప్రతి ఒక్కరూ చేయూతనివ్వాలని కలెక్టర్ బాబు.ఎ పిలుపునిచ్చారు. సర్వశిక్షాభియాన్ ప్రత్యేకంగా రూపొందించిన ‘బడి రుణం తీర్చుకుందాం’ పోస్టర్లు, బుక్‌లెట్‌ను సోమవారం కలెక్టరేట్ సమావేశ మందిరంలో కలెక్టర్ ఆవిష్కరించారు.

అవనిగడ్డ, డిసెంబర్ 5: మండల పరిధిలోని పులిగడ్డ శ్రీ వేంకటేశ్వర స్వామి వారి శాంతి కల్యాణ మహోత్సవాన్ని సోమవారం అత్యంత వైభవంగా నిర్వహించారు. శ్రవణా నక్షత్రాన్ని పురస్కరించుకుని స్వామివారి కళ్యాణోత్సవాన్ని మండలి భావన్నారాయణ దంపతులు భక్తిశ్రద్ధలతో నిర్వహించారు. అగ్నిహోత్రం నరసింహాచార్యులు, ధన్వంతరి ఆచార్యులు బ్రహ్మత్వంలో స్వామివారి కళ్యాణం జరగ్గా భక్తులు పెద్ద సంఖ్యలో పాల్గొన్నారు.

విజయవాడ, డిసెంబర్ 5: నగదు కొరత తీర్చడానికి తాను ఎంత కృషి చేసినా వంద శాతం ఫలితాలు రాలేదని ముఖ్యమంత్రి చంద్రబాబు నాయుడు అన్నారు. రాష్ట్రంలో నగదు రహిత చెల్లింపులు, ఏటిఎంల దగ్గర నగదు లభ్యత, ఇ-పోస్ తరహా ప్రత్యామ్నాయ మార్గాలపై దృష్టిపెట్టినా ప్రజలు ఇంకా ఇబ్బందులు పడుతూనే వున్నారని ఆయన సోమవారం రాత్రి తన కార్యాలయంలో బ్యాంకర్లతో జరిగిన సమావేశంలో అన్నారు.

విజయవాడ, డిసెంబర్ 5: జీవన భృతి కోసం భూమికి దూరంగా నడి సముద్రంలో రోజుల తరబడి గడిపే మత్స్యకారులకు అన్ని విధాలా అండగా ఉంటానని ముఖ్యమంత్రి చంద్రబాబునాయుడు భరోసా ఇచ్చారు. కుటుంబాలను వదిలి ఒక్కోసారి వారాల తరబడి ఉండిపోయే మత్స్యకారులకు నిత్యం జీవన పోరాటమేనని, వారికి అవసరమైన అన్ని సదుపాయాలు కల్పించి వారి జీవన విధానాన్ని మెరుగుపర్చడానికి ప్రభుత్వం కృషి చేస్తోందని ఆయన తెలిపారు.