కడప,డిసెంబర్ 4:తెలుగుదేశం పార్టీ అధిష్ఠానం నెలరోజులపాటు నవంబర్ 1 నుంచి 30వ తేదీ వరకు నిర్వహించిన జన చైతన్యయాత్రలు సందర్భంగా ఇప్పటివరకు నమోదుచేసిన సభ్యత్వాల్లో రాష్ట్రంలోనే జిల్లా ప్రథమ స్థానంలోకి చేరింది. జిల్లా అధ్యక్షుడు ఆర్.శ్రీనివాసులురెడ్డి (వాసు) నేతలందరితో 30రోజుల్లో సభ్యత్వాలను నమోదుచేయడంలో తనదైన శైలిలో అందర్నీ కలుపుకుని వ్యవహరించడంతో దాదాపు మూడులక్షల సభ్యత్వాలు పూర్తయ్యాయి.

కడప,డిసెంబర్ 4: జిల్లా వ్యాప్తంగా ఆదివారం తెల్లవారుజాము నుంచి సాయంత్రం వరకు పలు ప్రాంతాల్లో తుంపర జల్లులు కురిశాయి. కొన్ని ప్రాంతాల్లో ఓ మోస్తరు వర్షం కురిసింది. శనివారం రాత్రి కూడా వర్షం కురిసింది. ఈ వర్షం వల్ల కొంతమంది రైతులకు ఉపశమనం కలిగినా మరికొంతమంది రైతులకు నష్టమే చేకూర్చింది. ఖరీఫ్‌లో సాగుచేసిన వరి, ఆరుతడిపంటలు, కూరగాయలసాగుకు ఇబ్బందికరంగా మారింది.

విశాఖపట్నం, డిసెంబర్ 4: మహా విశాఖ నగరానికి మరింత వనె్న తెచ్చే విధంగా వస్తుందనుకున్న మెట్రో రైల్ ప్రాజెక్టు ఒక్క అంగుళం ముందుకు కదల్లేదు. విశాఖ మెట్రోరైల్ ప్రాజెక్టును ప్రభుత్వ, ప్రైవేటు భాగస్వామ్యం (పిపిపి) విధానంలో పూర్తి చేయాలని, దీనికి విదేశీ బ్యాంకులు సాయం అందిస్తాయని తొలి నుంచి భావిస్తున్నారు.

విశాఖపట్నం, డిసెంబర్ 4: నోట్ల కష్టాలు రోజురోజుకీ పెరిగిపోతున్నాయి. చివరకు నెలంతా కష్టించి శ్రమకు తగిన ఫలితం కోసం చివరిలో నిరీక్షించే ఉద్యోగులు తమ జీతాలు తినేందుకు యోగం లేకుండా పోతుంది. కష్టపడినా చాలీ, చాలని జీతాలతో ఇంటిళ్ళపాదిని పోషించాల్సిన పరిస్థితుల్లో పెద్ద నోట్ల రద్దు పెద్ద సమస్యనే తెచ్చిపెట్టింది. సామాన్యులకు దాదాపు నెల రోజుల నుంచి తెల్లరితే ఎలా బతకాలా? అనే కొత్త సమస్యలు తలెత్తుతున్నాయి.