గుంటూరు, జూన్ 16: ప్రభుత్వ ఉద్యోగుల మెడికల్ బిల్లులకు సంబంధించి ప్రైవేటు ఆసుపత్రులకు చెల్లించాల్సిన బకాయిలను నెలరోజుల్లోగా చెల్లిస్తామని వైద్య, ఆరోగ్యశాఖ మంత్రి డాక్టర్ కామినేని శ్రీనివాస్ వెల్లడించారు. భవిష్యత్తులో ఎన్‌టిఆర్ వైద్య ట్రస్టు ద్వారా మరిన్ని సేవలందించనున్నట్టు తెలిపారు. నిరుపేదల ఆరోగ్య ప్రమాణాలు పెంచటమే ఎన్‌టిఆర్ వైద్యట్రస్టు లక్ష్యమన్నారు.

గుంటూరు, జూన్ 16: రాష్ట్రంలోని మార్కెట్ యార్డులన్నింటిలో ఈ- నామ్ మార్కెటింగ్ వ్యవస్థను ప్రవేశపెడుతున్నట్లు రాష్ట్ర మార్కెటింగ్‌శాఖ మంత్రి ఆదినారాయణరెడ్డి తెలిపారు. ప్రస్తుతం రాష్ట్రంలోని 22 యార్డులలో ఆన్‌లైన్ మార్కెటింగ్ విధానం అమలులో ఉందని వీటిని అధునాతన సాంకేతిక పరిజ్ఞానం వినియోగించి ఈ-నామ్ పరిధిలోకి తీసుకు వస్తామన్నారు.

అమరావతి, జూన్ 16: వ్యవసాయం, దాని అనుబంధ రంగాలకు వాణిజ్య బ్యాంకులు ఈ ఏడాది రూ.87,471 కోట్ల రుణాలు ఇవ్వాలని ఆంధ్రప్రదేశ్ రాష్టస్థ్రాయి బ్యాంకర్ల కమిటీ (ఎస్‌ఎల్ బిసి) సమావేశంలో నిర్ణయం తీసుకున్నట్లు వ్యవసాయశాఖ మంత్రి సోమిరెడ్డి చంద్రమోహన్‌రెడ్డి చెప్పారు. తాము రూ.91,557 కోట్ల రుణాలు ఇవ్వమని కోరగా, ఇంతవరకే ఆమోదించినట్లు ఆయన తెలిపారు.

విజయవాడ, జూన్ 16: ఉపాధ్యాయ బదిలీలకు సంబంధించిన దరఖాస్తు దాఖలు గడువు శనివారం నాటితో ముగియనున్నది. రాష్ట్ర వ్యాప్తంగా ప్రాథమిక పాఠశాల నుంచి హైస్కూలు వరకు బదిలీలకు లక్షా 61వేల మంది అర్హులున్నారు. వీరిలో అత్యధిక మంది ఐదేళ్లు, ఎనిమిదేళ్లు సర్వీసు పూర్తిచేసినవారు కాగా రిక్వెస్ట్ బదిలీలు కొన్ని ఉన్నాయి. శుక్రవారం రాత్రికి 66,660 దరఖాస్తులు విద్యాశాఖకు చేరాయి.