పుట్టపర్తి, జూన్ 18 : రాష్ట్రంలో ఖాళీగా ఉన్న వైద్య పోస్టులను త్వరలో భర్తీ చేస్తామని రాష్ట్ర వైద్య ఆరోగ్య శాఖ కమిషనర్ పూనం మాలకొండయ్య తెలిపారు. ఆమె ఆదివారం అనంతపురం జిల్లాలోని పుట్టపర్తిలో సత్యసాయి మహాసమాధిని దర్శించుకున్నారు. అలాగే సత్యసాయి జనరల్ ఆసుపత్రి, సూపర్ స్పెషాలిటీ ఆసుపత్రులను సందర్శించి అక్కడ రోగులకు అందిస్తున్న వైద్య సేవల గురించి తెలుసుకుని అభినందించారు.

విజయవాడ, జూన్ 18: రాజధాని అమరావతిలోనే అభివృద్ధిని కేంద్రీకరిస్తే ప్రత్యేక తెలంగాణ మాదిరిగా రాష్ట్రంలో మరో ఉద్యమం ఊపిరి పోసుకోవడం ఖాయమని సిపిఐ రాష్ట్ర కార్యదర్శి కె రామకృష్ణ హెచ్చరించారు. వెనుకబడిన జిల్లాలపై కూడా ప్రభుత్వం దృష్టిని సారించాలని హితవు పలికారు. పార్టీ రాష్ట్ర కార్యాలయం దాసరి భవన్‌లో ఆదివారం ఆయన పార్టీ కార్యదర్శివర్గ సభ్యుడు పుట్టా హరినాథరెడ్డితో కలిసి విలేఖరుల సమావేశంలో మాట్లాడారు.

గుంటూరు, జూన్ 18: ప్రభుత్వ ఉద్యోగులకు పిఆర్‌సి వేతన బకాయిలపై కమిటీని నియమించేందుకు ప్రభుత్వం హామీ ఇచ్చిందని, దీనిపై త్వరలో నిర్ణయం తీసుకుంటామని ఏపి ఎన్జీవో జెఎసి అధ్యక్షుడు పి అశోక్‌బాబు తెలిపారు. ఆదివారం గుంటూరు జిల్లా ఎన్జీవో అసోసియేషన్ హాలులో జిల్లా నూతన కార్యవర్గ ఎన్నిక జరిగింది.

రాజమహేంద్రవరం, జూన్ 18: తూర్పు గోదావరి జిల్లా రాజమహేంద్రవరంలోని ఒఎన్‌జిసి బేస్ కాంప్లెక్సు ప్రాంగణంలో రెండు రోజుల పాటు నిర్వహించిన జాతీయ స్థాయి విలువిద్య పోటీలు ఆదివారంతో ముగిశాయి. డాక్టర్ బి ఆర్ అంబేద్కర్ 126వ జయంతోత్సవాలను పురస్కరించుకుని ఏకలవ్య గిరిజన విలువిద్య పోటీల పేరుతో ఈ పోటీలను ఒఎన్‌జిసి ఎస్సీ, ఎస్టీ ఎంప్లారుూస్ వెల్ఫేర్ అసోసియేషన్ ఆధ్వర్యంలో నిర్వహించారు.