విశాఖపట్నం, జూన్ 16: నైరుతి రుతుపవనాలు విస్తరించాయి. ఇప్పటికే రెండు తెలుగు రాష్ట్రాల్లో రుతుపవనాలు తమ ప్రభావాన్ని చూపిస్తున్నాయి. రుతుపవనాల ప్రభావంతో కోస్తాలో మరో రెండు రోజుల పాటు విస్తారంగా వర్షాలు కురిసే అవకాశం ఉందని విశాఖ తుపాను హెచ్చరికల కేంద్రం అధికారులు శుక్రవారం రాత్రి తెలిపారు. కోస్తాలో ఒక మోస్తరు నుంచి ఒకటి, రెండు చోట్ల భారీ వర్షాలు కురిసే అవకాశం ఉందన్నారు.

ఆచంట, జూన్ 16: హైదరాబాద్‌లో అనుమానాస్పదస్థితిలో మరణించిన బ్యూటీషియన్ శిరీష అలియాస్ విజయలక్ష్మిది హత్యకాదు, ఆత్మహత్యేనని హైదరాబాద్ పోలీసులు ప్రకటించడాన్ని శిరీష తల్లి రామలక్ష్మి ఆరోపించారు. కావాలనే పోలీసులు ఈ కేసును నీరుగార్చారని, దీనిపై న్యాయపోరాటం చేస్తామని ఆమె ప్రకటించారు. శిరీష స్వగ్రామం పశ్చిమ గోదావరి జిల్లా ఆచంట మండలం వల్లూరు ఎంపిపాలెంలో ఆమె శుక్రవారం మీడియాతో మాట్లాడారు.

కాకినాడ రూరల్, జూన్ 16: రిజర్వేషన్ల సాధన కోసం రాష్ట్ర వ్యాప్తంగా జూలై 26వ తేదీ నుంచి ‘చలో అమరావతి’ పేరిట నిరంతర పాదయాత్రను కాపు జెఎసి చేపట్టబోతోంది. కాపు ఉద్యమాన్ని అణగదొక్కే ప్రయత్నాలను ఇకపై సాగనీయబోమంటూ 13 జిల్లాల నుండి ఈ ఉద్యమం కొనసాగుతుందని కాపు జెఎసి నాయకులు స్పష్టంచేశారు.

కర్నూలు, జూన్ 16: నంద్యాల రాజకీయాలపై పార్టీ అధినేత చంద్రబాబు స్పందిస్తున్న తీరు చేతులు కాలాక... అన్న చందంగా ఉందని పార్టీ కేడర్ అసహనం వ్యక్తం చేస్తోంది. నంద్యాల నియోజకవర్గం పార్టీ ఇన్‌చార్జి శిల్పా మోహనరెడ్డి వైకాపాలో చేరిన తరువాత అధినేత చంద్రబాబు నంద్యాల రాజకీయాలపై స్పందించడాన్ని టిడిపి నాయకులు, కార్యకర్తలు తప్పుబడుతున్నారు.