మడకశిర, ఫిబ్రవరి 24: ప్రత్యేక హోదా కోసం రెండు కోట్ల మందితో ఈనెల 26వ తేదీ ప్రజాబ్యాలెట్ కార్యక్రమాన్ని నిర్వహిస్తున్నట్లు పిసిసి అధ్యక్షుడు రఘువీరారెడ్డి తెలిపారు. శుక్రవారం అనంతపురం జిల్లా నీలకంఠాపురంలో ఏర్పాటు చేసిన విలేఖరుల సమావేశంలో ఆయన మాట్లాడుతూ 2017 సంవత్సరాన్ని ఉద్యమ నామసంవత్సరంగా కాంగ్రెస్ పార్టీ ప్రకటించిందన్నారు.

విశాఖపట్నం, ఫిబ్రవరి 24: రాష్ట్రంలో పర్యాటకాభివృద్ధి విస్తృతం కావాలంటే విదేశీ పర్యాటకుల ఆకర్షణ లక్ష్యంగా వౌలిక సదుపాయాలు, వసతులు కల్పిచాలని పర్యాటక శాఖ ముఖ్య కార్యదర్శి ఎన్ శ్రీకాంత్ అభిప్రాయపడ్డారు. విదేశీ పర్యాటకులను ఆకర్షించడంలో ఎపి వెనుకబడి ఉందని, ప్రత్యేక పర్యాటక ప్యాకేజీలతో వీరిని ఆకట్టుకోవాలని టూర్ ఆపరేటర్లతో విశాఖలో శుక్రవారం జరిగిన సమావేశంలో అభిప్రాయపడ్డారు.

ఆమదాలవలస, ఫిబ్రవరి 23: శ్రీకాకుళం జిల్లా పొందూరు రైల్వేస్టేషన్ సమీపంలోని మొదలవలస రైల్వేగేటు వద్ద గురువారం అప్‌లైన్‌లో ఉన్న రైలుట్రాక్ విరిగింది. ఈ విషయాన్ని రైల్వే సిబ్బంది సకాలంలో గుర్తించడంతో భారీ ప్రమాదం తప్పిందని రైల్వే అధికారులు తెలిపారు. దీంతో సుమారు మూడు గంటల పాటు రైళ్ల రాకపోకలు నిలిపివేసి మరమ్మతులు పూర్తి చేసి రైళ్ల రాకపోకలను పునరుద్ధరించారు.

విజయవాడ, ఫిబ్రవరి 23: కలహాలు మరిచి వివిధ అంశాల్లో కలిసి పనిచేస్తున్న ఆంధ్ర, తెలంగాణ ప్రభుత్వాలు, ఈసారి రహదారుల కోసం చేతులు కలుపనున్నాయి. అమరావతి- హైదరాబాద్ అనుసంధానిస్తూ ఆరు లైన్ల ఎక్స్‌ప్రెస్‌వేపై కేంద్రం గతంలో ఇచ్చిన హామీ వాస్తవ రూపం దాల్చేందుకు రెండు ప్రభుత్వాలు రంగంలోకి దిగనున్నాయి. హైదరాబాద్, అమరావతిలను కలుపుతూ ఎక్స్‌ప్రెస్‌వే నిర్మాణం ఇప్పటికే ప్రారంభం కావాల్సి ఉంది.