విజయవాడ, ఫిబ్రవరి 25: అమెరికాలో భారతీయులపై జరుగుతున్న వరుస దాడుల ఘటనలపై కేంద్ర, రాష్ట్ర ప్రభుత్వాలు వెంటనే స్పందించాలని సిపిఎం రాష్ట్ర కార్యదర్శి పి మధు డిమాండ్ చేశారు. ఆ దేశ అధ్యక్షుడు ట్రంప్ వ్యాఖ్యలు భారతీయులపై దాడులు, హత్యలకు దారితీస్తున్నా ప్రభుత్వాలు సరైన రీతిలో స్పందించకపోవడంపై ఆయన అసంతృప్తి వ్యక్తం చేశారు.

చోడవరం, ఫిబ్రవరి 25: హుదూద్ తుపాను నేపథ్యంలో తడిచిన పంచదార అమ్మకాల్లో అవకతవకలకు పాల్పడిన విశాఖ జిల్లా గోవాడ సుగర్ ఫ్యాక్టరీ ఉద్యోగులను శనివారం కర్మాగారం ఎండి విక్టర్ రాజు సస్పెండ్ చేసారు. రాష్ట్ర సుగర్ కేన్ కమిషనర్ ఎల్. మురళీ ఈనెల 17న ఆర్‌సి నెంబర్ 2535-2015 బి 3 పేరిట జారీ చేసిన ఆదేశాల మేరకు అవకతవకలకు పాల్పడిన ఉద్యోగులను సస్పెండ్ చేసినట్లు శనివారం వెల్లడించారు.

అమరావతి, ఫిబ్రవరి 25:4ఆరోగ్యంగా ఉంటేనే ఆనందం - ఆనందంగా ఉంటేనే అభివృద్ధి సాధ్యం2 అవుతుందని ముఖ్యమంత్రి చంద్రబాబునాయుడు అన్నారు. శనివారం అమరావతిలోని తన నివాసం నుంచి వైద్య, ఆరోగ్యశాఖల అధికారులు, జిల్లాల కలెక్టర్లు, పంచాయతీరాజ్, పురపాలక శాఖల అధికారులతో మాట్లాడారు. రాష్ట్రాన్ని ఆరోగ్యాంధ్రప్రదేశ్‌గా రూపొందించడంలో భాగంగా గ్రామాలు, వార్డుల్లో పరిశుభ్రతకు పెద్దపీట వేయాలన్నారు.

హైదరాబాద్, ఫిబ్రవరి 25: ఆంధ్రప్రదేశ్ రాజధాని అమరావతిలో ప్రారంభమయ్యే కొత్త శాసనసభలోనైనా సంప్రదాయాలను పాటించి సభను సజావుగా నడిపించాలని వైఎస్‌ఆర్‌సిపి శాసనసభ్యుడు గడికోట శ్రీకాంత్‌రెడ్డి విజ్ఞప్తి చేశారు. గత మూడేళ్లగా ప్రతిపక్షానికి శాసనసభలో మాట్లాడే అవకాశం ఇవ్వకుండా అడ్డుకున్నారని, అమరావతిలోనైనా సభా సంప్రదాయాలను పాటించి ప్రతిపక్షానికి మాట్లాడే అవకాశమివ్వాలని కోరారు.