శ్రీకాకుళం: . జిల్లాలోని ఆముదాలవలస మండలం దూసి రైల్వేస్టేషన్‌, పొందూరు సమీపంలో గురువారం పెను ప్రమాదం తప్పింది. రైలు పట్టా విరిగింది. ఇది గమనించిన గ్యాంగ్‌మ్యాన్ అప్రమత్తంగా వ్యవహరించి, అధికారులకు సమాచారం అందించాడు దీంతో ఆ మార్గంలో వచ్చే రైళ్ల రాకపోకలను అధికారులు నిలిపివేశారు. అటుగా ప్రయాణించాల్సిన రైళ్లను ఆముదాలవలస, చీపురుపల్లి స్టేషన్లలో ఆపివేశారు.

అనంతపురం సిటీ, ఫిబ్రవరి 22: అనంతపురం జెఎన్‌టియూకు విసి సర్కార్ వనె్నతెచ్చారని చెప్పాలి. 2015 అక్టోబర్ 26న జెఎన్‌టియూ అనంతపురం ఉపకులపతిగా సర్కార్ బాధ్యతలు చేపట్టారు. యూనివర్సిటీలో ఆడిటోరియం నిర్మాణంతో పాటు పలు అభివృద్ధి పనులు చేయించారు. విద్యార్థుల హాస్టల్స్‌లో కనీస సౌకర్యాలు కల్పించారు. విద్యార్థులకు అవసరమైన స్కిల్ డెవలంప్‌మెంట్ శిక్షణ కోసం ఇతర దేశాల యూనివర్సిటీలతో ఒప్పందాలు చేసుకున్నారు.

శ్రీశైలం, ఫిబ్రవరి 22: శ్రీశైలంలో జరుగుతున్న మహాశివరాత్రి బ్రహ్మోత్సవాల్లో భాగంగా బుధవారం స్వామి, అమ్మవార్లకు పుష్పపల్లకి సేవ నిర్వహించారు. ఉదయం జపాలు, మండపారాధనలు, రుద్ర, చండీ హోమాలు, చండీశ్వరునికి ప్రత్యేక పూజలు జరిపించారు. సాయంత్రం అక్కమహాదేవి అలంకరణ మండపంలో స్వామి అమ్మవార్ల ఉత్సవమూర్తులను ప్రత్యేకంగా అలంకరించి పూజలు జరిపారు. మహామంగళ హారతి అనంతరం పుష్పపల్లకి సేవ నిర్వహించారు.

హైదరాబాద్, ఫిబ్రవరి 22: టిడిపి అధికారంలోకి వస్తే నిరుద్యోగులకు వెంటనే ప్రతి నెల భృతిని చెల్లిస్తామని ఇచ్చిన హామీని వెంటనే నిలబెట్టుకోవాలని ప్రతిపక్షనేత వైఎస్ జగన్మోహన్ రెడ్డి ముఖ్యమంత్రి చంద్రబాబునాయుడుకు బహిరంగ లేఖ రాశారు. వచ్చే బడ్జెట్‌లో నిరుద్యోగ భృతి చెల్లింపునకు నిధులు కేటాయించాలని కోరారు. లేని పక్షంలో తమ పార్టీ తదుపరి కార్యాచరణను ప్రకటిస్తుందన్నారు.