హైదరాబాద్, జనవరి 21: తెలుగు సంస్కృతీ, సంప్రదాయాలు ఉట్టిపడేలా, ప్రపంచం నలుదిశలా తెలిసేలా, అమరావతి వేదికగా వచ్చే నెల 10వ తేదీ నుంచి మూడు రోజుల పాటు ప్రతిష్టాత్మకంగా జాతీయ మహిళా పార్లమెంటు మహా సభలను నిర్వహించనున్నట్లు ఆంధ్రప్రదేశ్ అసెంబ్లీ స్పీకర్ కోడెల శివప్రసాద రావు తెలిపారు.

రాజమహేంద్రవరం, జనవరి 21: జాతీయ జల రవాణా ప్రాజెక్టులో కదలిక మొదలైంది. కేంద్ర ప్రభుత్వం చేపట్టిన జాతీయ నాలుగో జల మార్గం ప్రాజెక్టుకు అవసరమైన భూమిని సేకరించేందుకు ఈ నెలాఖరున శ్రీకారం చుట్టనున్నారు. ఇప్పటికే అన్ని రకాల సర్వేలు పూర్తయ్యాయి. జిల్లాలవారీగా సర్వే పూర్తి చేసి అవసరమైన భూమిని గుర్తించామని గోదావరి బేసిన్ చీఫ్ ఇంజనీర్ హరిబాబు తెలియజేశారు.

నెల్లూరు, జనవరి 20: నెల్లూరు శివారులో మైపాడు రోడ్డులో ఒక ప్రైవేటు కార్పొరేట్ బ్యాంకుకు చెందిన ఎటిఎం కార్డులు గుట్టలుగుట్టలుగా పడి ఉండడం కలకలం రేపింది. నెల్లూరు - మైపాడు రహదారిలో మూడో మైలు రాయి వద్ద ఐసిఐసిఐ బ్యాంకుకు చెందిన భారీ సంఖ్యలో రూపే కార్డుల గుట్టను శుక్రవారం సాయంత్రం స్థానికులు గమనించారు. ఈ వార్త దావానంలా వ్యాపించడంతో జనం గుమికూడారు.

భీమవరం, జనవరి 20: అందరూ చెత్త.. చెత్త అని తిట్టుకుంటారు, ఇప్పుడు అదే తడి చెత్త నుంచి చేపలకు, పశువులకు అవసరమైన పోషక విలువలు కలిగిన మేతను తయారుచేసేందుకు పరిశోధనలు జరుగుతున్నాయని ఆంధ్రప్రదేశ్ రాష్ట్ర ప్రభుత్వ స్వచ్ఛ ఆంధ్ర మిషన్ ఎగ్జిక్యూటివ్ వైస్ ఛైర్మన్ డాక్టర్ సిఎల్ వెంకట్రావు చెప్పారు.