కాకినాడ, నవంబర్ 4: స్వాతంత్య్రానంతరం సర్దార్ వల్లభాయ్ పటేల్ ప్రథమ ప్రధాని అయివుంటే దేశం దశ, దిశ మారిపోయివుండేవని, ముఖ్యంగా నిత్యం రగులుతున్న కాశ్మీర్‌లో కల్లోలం ఉండేది కాదని కేంద్ర గ్రామీణాభివృద్ధి శాఖ మంత్రి ఎం వెంకయ్యనాయుడు అన్నారు. పటేల్ దేశానికి తొలి ప్రధాని కాకపోవడం మన దురదృష్టమన్నారు. కాకినాడ సమీపంలోని అచ్చంపేట వద్ద శుక్రవారం ఒక ప్రైవేటు కార్పొరేట్ స్కూలు ప్రారంభ సభలో ఆయన మాట్లాడారు.

నంద్యాల/పాణ్యం, నవంబర్ 4: రిజర్వాయర్ నిర్మిస్తే నీళ్లొస్తాయని, పంటలు బాగా పండుతాయని గోరుకల్లువాసులు ఆశించారు. వారు ఆశించినట్టే రిజర్వాయరూ వచ్చింది.. నీళ్లూ వచ్చాయి... అయితే అవే నీళ్లు తమపాలిట శాపంగా మారుతాయని ఊహించకలేకపోయారు. రిజర్వాయర్ నిర్మాణం పూర్తయి నీరు నిల్వచేయడంతో గోరుకల్లు గ్రామంలో నీటి ఊటలు ఏర్పడి నీరు ఉబికివస్తోంది.

రాజమహేంద్రవరం, నవంబర్ 4: గోదావరి నదిపై నిర్మించిన పట్టిసీమ ఎత్తిపోతల పథకం స్ఫూర్తితో పురుషోత్తపట్నం ఎత్తిపోతల పథకం పూర్తిచేస్తామని చెబుతున్న పాలకులు నిధుల మాటెలావున్నా, ప్రస్తుతం ఫైళ్లను మాత్రం పరుగెట్టిస్తున్నారు. శరవేగంగా టెండర్ల ప్రక్రియను పూర్తిచేయడానికి రంగం సిద్ధంచేశారు. ముఖ్యమంత్రితో భూమి పూజ చేయించేందుకు ఏర్పాట్లుచేస్తున్నారు.

కాకినాడ, నవంబర్ 4: కేంద్రమంత్రి ఎం వెంకయ్యనాయుడు సభ నేపథ్యంలో ‘ప్రత్యేక ప్యాకేజీ వద్దు... ప్రత్యేక హోదానే ముద్దు..’ అంటూ నినదించిన జనసేన కార్యకర్తలను పోలీసులు అదుపులోకి తీసుకున్నారు. కాకినాడ జెఎన్‌టియు ఎదురుగా శుక్రవారం సాయంత్రం వెంకయ్య బహిరంగ సభలో పాల్గొన్నారు. అప్పటికే కొందరు జనసేన కార్యకర్తలు వేదికకు సమీపంలోని ఓ అపార్ట్‌మెంట్ పైకి ఎక్కారు.