విశాఖపట్నం, నవంబర్ 4: ఆంధ్రప్రదేశ్‌కు ప్రత్యేక హోదా ఇచ్చి తీరాలని పట్టుపడుతున్న ప్రతిపక్ష నాయకుడు జగన్ ఇదే అంశంపై రాష్ట్ర నలుమూలలా యువభేరి పేరుతో సభలు నిర్వహించారు. జగన్ డిమాండ్‌ను కేంద్ర, రాష్ట్ర ప్రభుత్వాలు ఏమాత్రం పట్టించుకోలేదు. హోదాకు దీటుగా ప్యాకేజీ ఇచ్చి కేంద్రం చేతులు దులుపుకొంది. ఇచ్చినంత తీసుకోపోతే నష్టపోతామంటూ ముఖ్యమంత్రి చంద్రబాబు నాయుడు వచ్చిందాంతో సరిపెట్టుకున్నారు.

విజయనగరం, నవంబర్ 3: జిల్లాలోని పార్వతీపురం మండలం బడిదేవరకొండకు సమీపంలో ఉన్న ఎంఎస్‌పి గ్రానైట్స్‌కు అటవీశాఖ అనుమతుల కోసం డిఎఫ్‌ఒ ఎ.రమణమూర్తి, క్వారీ యజమాని పలనివేలు నుంచి రూ.5లక్షలు లంచం తీసుకుంటుండగా ఎసిబికి పట్టుబడ్డాడు.

విశాఖపట్నం, నవంబర్ 3: దళారీ వ్యవస్థ నియంత్రణలో ప్రభుత్వం విఫలమైందని బిజెపి ఎమ్మెల్సీ సోము వీర్రాజు ఘాటుగా విమర్శించారు. విశాఖ బిజెపి కార్యాలయంలో గురువారం ఏర్పాటు చేసిన విలేఖరుల సమావేశంలో ఆయన మాట్లాడుతూ రైతుకు గిట్టుబాటు ధర లభించట్లేదని, అలాగే వినియోగదారులు అధిక ధరలకు సరకులు కొనుగోలు చేసుకునే దుస్థితికి ప్రభుత్వ విధానాలే కారణమని ఆరోపించారు.

అమరావతి, నవంబర్ 3: వైసీపీ అధినేత వైఎస్ జగన్మోహన్‌రెడ్డికి రాజధాని నగరంలో పార్టీ ఆఫీసు, ఇంటికి భూమి దొరక్కుండా పోయింది. ఆ పార్టీ నేతలు కొద్దికాలం నుంచి పార్టీ ఆఫీసు, జగన్ ఇంటి కోసం చేస్తున్న ప్రయత్నాలు ఫలించటం లేదు. అధికార పార్టీకి భయపడి వైసీపీకి స్థలం ఇవ్వాలంటేనే భయపడుతున్నారు. పార్టీ వర్గాల సమాచారం ప్రకారం..