గుంటూరు, నవంబర్ 3: రాష్టవ్య్రాప్తంగా పెట్రో, డీజిల్ బంకుల నిర్వాహకుల ఆందోళన తీవ్రరూపం దాల్చుతోంది. ఏపిలో 2700 వరకు బంకులు ఉన్నాయి. నిత్యం కోట్లాది లీటర్ల క్రయ, విక్రయాలు జరుగుతున్నాయి. పెరుగుతున్న ధరలు, ఖర్చులకు అనుగుణంగా తమ కమీషన్ చార్జీలు పెంచాలని డీలర్లు దీర్ఘకాలికంగా డిమాండ్ చేస్తున్నారు. ఈనేపథ్యంలో గతంలో ప్రభుత్వం అపూర్వచంద్ర కమిటీని నియమించింది.

కాకినాడ, నవంబర్ 3: తూర్పు గోదావరి జిల్లా తొండంగి మండలం దానవాయిపేట గ్రామంలో దివీస్ మెడికల్ లేబొరేటరీ నిర్మాణాన్ని వ్యతిరేకిస్తూ గురువారం సిపిఎం, ప్రజా సంఘాల ఆధ్వర్యంలో పెద్ద ఎత్తున ఆందోళన చేపట్టారు. ఆందోళనకారులపై పోలీసులు లాఠీ ఛార్జీ చేశారు. సిపిఎం రాష్ట్ర నేత పి మధు సహా పలువురిని అరెస్టుచేశారు.

ఏలూరు, నవంబర్ 3 : అధికార తెలుగుదేశం పార్టీ ఆర్భాటంగా ప్రారంభించిన జన చైతన్యయాత్రలు జాతర మాదిరిగా మారిపోయాయి. మరోసారి అధికార పార్టీ నేతలు, ప్రజాప్రతినిధుల సన్మానాలు, సత్కారాలతో ఈ యాత్రలు ముగుస్తున్నాయి. వాస్తవానికి ప్రభుత్వం చేపడుతున్న కార్యక్రమాలను ప్రజలకు వివరించి వారిని చైతన్యవంతులను చేసే ఈ యాత్రల అసలు లక్ష్యం మాత్రం దూరంగానే మిగిలిపోయింది. మొత్తం మీద ప్రహసనప్రాయంగా ఈ జాతర ముందుకు సాగుతోంది.

విశాఖపట్నం, నవంబర్ 3: పశ్చిమ మధ్య బంగాళాతంలో వాయుగుండం స్థిరంగా కొనసాగుతోంది. ఇది విశాఖకు దక్షిణ ఆగ్నేయంగా 450 కిలోమీటర్ల దూరంలో కేంద్రీకృతమై ఉందని విశాఖ తుపాను హెచ్చరికల కేంద్రం అధికారులు గురువారం రాత్రి తెలిపారు. వచ్చే 12 గంటల్లో వాయుగుండం వాయువ్య దిశగా పయనిస్తూ తీవ్ర వాయుగుండంగా మారుతుందన్నారు.