విశాఖపట్నం, జూలై 15: విశాఖ తీరంలో లభించే కొన్ని రకాల నాచు రోగాలను నయం చేసే గుణం కలిగి ఉంది. ఇ-కోలి, బాసిల్లస్ సబ్టిలిస్ ద్వారా వచ్చే వ్యాధులకు, కొన్ని రకాల కలుషిత ఆహార సమస్యలకు నాచు ద్వారా పరిష్కారం చూపవచ్చని ప్రాథమిక పరిశోధనలో వెల్లడైంది. వాణిజ్య పరంగా ఔషధాన్ని తయారు చేసేందుకు వీలుగా సముద్ర నాచులోని కీలకమైన రసాయనాన్ని వేరు చేసే దిశగా పరిశోధనలు జరుగుతున్నాయి.

రాజమహేంద్రవరం, జూలై 15: ధవళేశ్వరం బ్యారేజి వద్ద వరద గోదావరి ఉద్ధృతి తగ్గింది. ఎగువ ప్రాంతంలో ఉద్ధృతి తగ్గుముఖం పట్టడంతో ధవళేశ్వరం బ్యారేజి వద్ద కూడా తగ్గుముఖం పట్టింది. గురువారం రాత్రి మొదటి ప్రమాద హెచ్చరికను అధికారులు ఉపసంహరించారు. శుక్రవారం ధవళేశ్వరం బ్యారేజి వద్ద నీటి మట్టం 9 అడుగులకు తగ్గింది. 5,29,591 క్యూసెక్కుల వరద జలాలు సముద్రంలోకి ప్రవహిస్తున్నాయి.

అనంతపురం: వైద్యుడి నిర్లక్ష్యం వల్లే ప్రసవ సమయంలో తల్లి, బిడ్డ మృతి చెందారని ఆరోపిస్తూ ప్రైవేటు ఆస్పత్రి వద్ద బంధువులు ఆందోళన చేపట్టారు. నగరంలోని ఓ ప్రైవేటు ఆస్పత్రికి నిండు గర్భిణిని ప్రసవం నిమిత్తం శుక్రవారం మధ్యాహ్నం ఆమె బంధువులు ఆస్పత్రికి తీసుకువచ్చారు. ఆమెను తీసుకువచ్చిన చాలా సేపటికి- గర్భంలో శిశువు అడ్డం తిరిగినందున సిజేరియన్ ఆపరేషన్ చేయాలని అక్కడి డాక్టర్ చెప్పారు.

విశాఖ: తరచూ యువతులను వేధిస్తూ పైశాచిక ఆనందం పొందుతున్న నలుగురు పోకిరీరాయుళ్లను గ్రామస్థులు చితకబాదిన ఘటన బుచ్చయ్యపేట మండలం కరక గ్రామంలో శుక్రవారం జరిగింది. యువతుల వెంటపడి వేధిస్తున్న నలుగురు యువకులను గ్రామస్థులు పట్టుకుని అందరి సమక్షంలో దేహశుద్ధి చేశారు. పోకిరీ చేష్టలకు పాల్పడే వారికి ఇలాంటి గుణపాఠం తప్పదని, అమ్మాయిలు కూడా అప్రమత్తంగా నడచుకోవాలని గ్రామపెద్దలు హెచ్చరించారు.