హైదరాబాద్, జూన్ 6: కార్మికుల సంక్షేమానికి ప్రధాని నరేంద్ర మోదీ నేతృత్వంలోని ఎన్డీఏ ప్రభుత్వం కృషి చేస్తున్నదని కేంద్ర కార్మిక, ఉపాధి కల్పనా శాఖ మంత్రి బండారు దత్తాత్రేయ తెలిపారు. జెనివాలో 7 నుంచి 9వ తేదీ వరకు జరగనున్న అంతర్జాతీయ కార్మికుల సదస్సుకు హాజరయ్యేందుకు దత్తాత్రేయ నేతృత్వంలో ప్రతినిధుల బృందం బయలుదేరి వెళ్ళింది.

కనగానపల్లి/తుగ్గలి, జూన్ 6: సీమలో రెండు ఘటనల్లో నలుగురు చిన్నారులు మృతి చెందారు. అనంతపురం జిల్లా తూముచెర్లలో సోమవారం ఈతకు వెళ్లిన ఇద్దరు చిన్నారులు నీట మునిగి చనిపోయారు. మల్లేషు, నిర్మలమ్మ దంపతుల కుమారులు తేజ(10), తరుణ్(8) మరికొంతమంది పిల్లలతో కలిసి పారంఫాండ్‌లో నిలిచిన నీళ్లలో ఈత కొట్టేందుకు వెళ్లారు. వీరిద్దరికీ ఈత రాకపోవడంతో నీట మునిగారు.

మార్కాపురం, జూన్ 6: అవినీతి నిరోధక శాఖ అధికారులు సోమవారం సాయంత్రం ప్రకాశం జిల్లా మార్కాపురం సబ్ రిజిస్ట్రార్ కార్యాలయంపై దాడులు నిర్వహించారు. అనధికారికంగా ఉన్న 2,95,250 రూపాయలను స్వాధీనం చేసుకున్నారు. ఈ సందర్భంగా ఎసిబి డిఎస్పీ ఆర్‌విఎస్‌ఎన్ మూర్తి మాట్లాడుతూ మార్కాపురం సబ్ రిజిస్ట్రార్ కార్యాలయంపై తమ కార్యాలయానికి అనేక ఫిర్యాదులు అందాయని, దీంతో దాడులు నిర్వహించామని తెలిపారు.

అనంతపురం, జూన్ 6: వైకాపా అధినేత జగన్‌మోహన్‌రెడ్డి సైకోలా వ్యవహరిస్తున్నారని మంత్రులు కామినేని శ్రీనివాస్, పల్లె రఘునాథ్‌రెడ్డి అన్నారు. తనస్థాయి మరిచి బాధ్యతాయుతమైన సిఎం పదవిలో ఉన్న చంద్రబాబునాయుడుపై అనుచితవ్యాఖ్యలు చేస్తున్నారని మండిపడ్డారు. సోమవారం అనంతపురం నగరంలో ఏర్పాటుచేసిన విలేఖరుల సమావేశంలో వారు మాట్లాడుతూ ప్రజలను రెచ్చగొట్టేలా చెప్పులు, చీపుళ్లు వంటి భాషను సిఎంపై వాడడం సిగ్గుచేటన్నారు.