కడప: కాపుగర్జన సందర్భంగా తుని వద్ద జరిగిన విధ్వంసకాండలో పాల్గొన్న విద్రోహశక్తులకు మాజీ మంత్రి ముద్రగడ పద్మనాభం అండగా నిలుస్తున్నారని ఎపి మంత్రి గంటా శ్రీనివాసరావు బుధవారం ఆరోపించారు. విధ్వంసకాండకు బాధ్యులెవరో ముద్రగడ బహిర్గతం చేయాలన్నారు. అరెస్టులను అడ్డుకోవడం ద్వారా తన ఉనికిని కాపాడుకోవాలని తాపత్రయ పడడం సరికాదన్నారు.

తిరుమల: తిరుమల మొదటి ఘాట్‌రోడ్డు చివరి మలుపు వద్ద బుధవారం ఉదయం భక్తులు ప్రయాణిస్తున్న టెంపో పిట్టగోడను ఢీకొట్టింది. కర్ణాటకకు చెందిన నలుగురు చిన్నారులతో సహా 10 మంది భక్తులకు తీవ్ర గాయాలయ్యాయి. గాయపడిన వారిలో ఒకరి పరిస్థితి విషమంగా ఉంది.

ఆదోని, జూన్ 7: వర్షాలు కురుస్తుండడంతో సీమలో వజ్రాల వేట ప్రారంభమైంది. వజ్రం దొరికితే తమ ఆదృష్టమే మారిపోతుందని జనం పొలాల వెంట పరుగులు తీస్తున్నారు. రాయలసీమలో ముఖ్యంగా కర్నూలు జిల్లా ఆదోని డివిజన్‌లోని జొన్నగిరి, తుగ్గలి, రాతన పెరవలి గ్రామాల్లో వజ్రాల వేట ముమ్మరమైంది. సూదూర ప్రాంతాల నుంచి కుటుంబాలకు కుటుంబాలు వలస వచ్చి ఇక్కడే మకాం వేసి వజ్రాల కోసం కళ్లు చాటంత చేసుకుని మరీ వెతుకుతున్నాయి.

విజయవాడ, జూన్ 7: దశాబ్దకాలం పాటు అవినీతి.. కుటుంబ పాలన.. స్వప్రయోజనలతో దేశాన్ని అధోగతి పాలు చేసిన కాంగ్రెస్ పాలన నుండి నేడు ప్రపంచం మొత్తం భారత్ వైపు చూసేలా బిజెపి ప్రభుత్వం పటిష్ఠ అవినీతి రహిత పాలనను అందిస్తోందని కేంద్ర మానవవనరుల అభివృద్ధిశాఖ మంత్రి స్మృతీఇరానీ పేర్కొన్నారు. కేంద్రం ఖర్చు చేసే ప్రతీ పైసా పేదవాడి దరి చేరేందుకు గాను కేంద్రం స్పష్టమైన ప్రణాళికలతో ముందుకు పోతోందన్నారు.