అమరావతి: నగరి టిక్కెట్టు ఎవ్వరికి ఇచ్చినా కలిసి పనిచేస్తామని గాలి కుటుంబ సభ్యులు ముఖ్యమంత్రి చంద్రబాబు నాయుడుకు తెలిపారు. సోమవారంనాడు గాలి ముద్దుకృష్ణమ నాయుడు భార్య, తనయులు ప్రభుత్వ విప్ బుద్దా వెంకన్నతో కలిసి చంద్రబాబునాయుడ్ని కలిశారు. నియోజకవర్గం నుంచి దాదాపు 350 మంది ముఖ్యనేతలు, కార్యకర్తల అభిప్రాయాలను చంద్రబాబు సేకరించారు.

విశాఖపట్నం, అక్టోబర్ 7: గీతం విద్యా సంస్థల చైర్మన్, ఎమ్మెల్సీ ఎంవీవీఎస్ మూర్తి అంత్యక్రియలు విశాఖలో ఆదివారం జరిగాయి. మూర్తి పెద్ద కుమారుడు పట్ట్భా రామారావు తండ్రి చితికి నిప్పంటించారు. మూర్తి కుటుంబీకులతోపాటు ముఖ్యమంత్రి చంద్రబాబు సహా పలువురు రాష్ట్ర మంత్రులు, ఎమ్మెల్యేలు, టీడీపీ నాయకులు, అభిమానులు, గీతం విద్యార్థులు పెద్ద సంఖ్యలో పాల్గొన్నారు.

రాజమహేంద్రవరం, అక్టోబర్ 7: చిరు వ్యాపారులకు ముద్రా పథకం కింద హామీల్లేని రుణాలందించి వారి జీవన ప్రమాణాలు పెరగడానికి అర్బన్ బ్యాంకులు దోహదపడాలని ఏపీ రాష్ట్ర మార్కెటింగ్, గిడ్డంగులు, సహకార, మత్య్స శాఖ మంత్రి సిహెచ్ ఆదినారాయణరెడ్డి అన్నారు. రాష్ట్రంలోని అన్ని అర్బన్ బ్యాంకుల్లో పోస్టుల భర్తీకి సంబంధించి రాష్ట్ర ప్రభుత్వం నుంచి గ్రీన్ సిగ్నల్ ఇస్తామని మంత్రి పేర్కొన్నారు.

గుడిబండ, అక్టోబర్ 7 : రాష్ట్రం అన్ని విధాలా అభివృద్ధి చెందాలంటే ప్రత్యేక హోదాతోనే సాధ్యమని పీసీసీ చీఫ్ ఎన్.రఘువీరారెడ్డి పేర్కొన్నారు. అనంతపురం జిల్లా గుడిబండ మండల పరిధిలోని జంబులబండ గ్రామంలో ఆదివారం ఇంటింటికీ కాంగ్రెస్ కార్యక్రమం చేపట్టారు. ఈ సందర్భంగా రఘువీరా కాంగ్రెస్ పార్టీ అధికారంలోకి వస్తే అమలు చేసే పథకాల గురించి ప్రజలకు వివరించారు.