విజయవాడ, అక్టోబర్ 8: రాష్ట్రంలో వ్యవసాయ ఉత్పత్తుల నిల్వకు గోదాముల కొరతను అధిగమించేందుకు రాష్ట్ర ప్రభుత్వం ఏర్పాట్లు చేస్తోంది. ప్రస్తుతం ఉన్న గోదాముల నిల్వ సామర్థ్యాన్ని రెట్టింపు చేసేందుకు లక్ష్యంగా నిర్ణయించింది. వ్యవసాయ ఉత్పత్తులు నిల్వ చేసేందుకు సరిపడా గోదాములు లేకపోవడంతో రైతులు తమ వ్యవసాయ ఉత్పత్తులను తక్కువ ధరకే విక్రయించాల్సి వస్తోంది.

అమరావతి, అక్టోబర్ 8: రాష్ట్రంలో 15వ ఆర్థిక సంఘం సభ్యులు మంగళవారం నుంచి పర్యటించనున్నారు. ఈ నెల 9న ఉదయం ఢిల్లీ నుంచి విమానంలో బయల్దేరి మధ్యాహ్నం 2.15కి తిరుపతి చేరుకుంటారు. భోజన విరామానంతరం మధ్యాహ్నం 3.45 గంటలకు తిరుచానూర్ పద్మావతీ ఆలయాన్ని సందర్శిస్తారు. 5గంటలకు తిరుమలకు చేరుకుని రాత్రికి బస చేస్తారు. బుధవారం ఉదయం స్వామివారిని దర్శించుకుని ఉదయం 11.30 గంటలకు శ్రీకాళహస్తి చేరుకుంటారు.

విజయవాడ, అక్టోబర్ 8: కృష్ణా జిల్లా జగ్గయ్యపేట మండలంలో త్వరలో శాశ్వత భూధార్ సంఖ్యను కేటాయించేందుకు రాష్ట్ర ప్రభుత్వం ఏర్పాట్లు చేస్తోంది. భూసేవ కింద భూధార్ ప్రాజెక్టును పైలట్ ప్రాజెక్టుగా అమలుకు కృష్ణా జిల్లా జగ్గయ్యపేట మండలం, ఉయ్యూరు నగర పంచాయతీలను ఎంపిక చేసింది. జగ్గయ్యపేట మండలంలో పైలట్ ప్రాజెక్టు విజయవంతం కావడంతో శాశ్వత సంఖ్యను కేటాయించేందుకు రంగం సిద్ధం చేస్తోంది.

విజయవాడ, అక్టోబర్ 8: రాష్ట్ర ప్రభుత్వం పూర్తిస్థాయిలో ఆధునిక సాంకేతిక పరిజానాన్ని ఉపయోగిస్తున్న నేపథ్యంలో నూతన నియామకాల నిబంధనల్లో మార్పులు అవసరమని రాష్ట్ర ప్రభుత్వ ప్రధాన కార్యదర్శి అనిల్ చంద్ర పుణేఠ వ్యాఖ్యానించారు. వెలగపూడి సచివాలయంలో ఆయన తన కార్యాలయంలో ఈ-ప్రగతి, ఆర్టీజీ, కాగిత రహిత కార్యాలయాలపై సోమవారం సమీక్ష నిర్వహించారు.