విజయవాడ: విజయవాడలో శుక్రవారంనాడు ఐటీ అధికారులు విస్తత్రంగా సోదాలు నిర్వహించారు. హైదరాబాద్‌కు చెందిన సదరన్ కన్‌స్ట్రక్షన్ డెవలపర్స్ అండ్ కనస్ట్రక్షన్స్ కార్యాలయంపైనా, ఆ సంస్థ ప్రతినిధుల ఇళ్లపైనా దాడులు నిర్వహించారు. అలాగే కృష్ణాజిల్లా జగ్గయ్యపేటలోని ప్రీకాస్టింగ్ ఇటుకల తయారీ కంపెనీపై కూడా దాడులు జరిగాయి. మొత్తం ఏడు బృందాలుగా విడిపోయిన అధికారులు ఈ సోదాలు నిర్వహించారు.

రాజమహేంద్రవరం, అక్టోబర్ 4: నేటి సమాజంలో చట్టాలే మహిళలకు ఆయుధాలని, వాటిని సక్రమ రీతిలో ఉపయోగించుకోవాలని ఢిల్లీ హైకోర్టు మాజీ ప్రధాన న్యాయమూర్తి జస్టిస్ జి రోహిణి పిలుపునిచ్చారు. సాక్షులకు రక్షణ లేకపోవడంవల్ల చాలా కేసుల్లో కోర్టువరకు వచ్చేసరికి విఫలమవుతున్నాయన్నారు. అందువల్ల సాక్షులకు ప్రభుత్వం తగిన రక్షణ కల్పించడానికి కృషిచేయాలని, సాక్ష్యాధారాలకు స్వేచ్ఛ కల్పించాలన్నారు.

విజయవాడ, అక్టోబర్ 4: ఇచ్చిన హామీలను నెరవేర్చని టీడీపీని ఈ సారి ఎన్నికల్లో చిత్తుగా ఓడించాలని బీజేపీ రాష్ట్ర నాయకులు, ఎమ్మెల్సీ పీవీఎన్ మాధవ్ కార్యకర్తలకు పిలుపునిచ్చారు. బీజేపీ యువ మోర్చా ఆధ్వర్యంలో రాష్ట్ర ప్రభుత్వ వైఫల్యాలు, హామీలు నెరవేర్చకపోవడం, అవినీతి పాలనపై ధర్నా చౌక్‌లో గురువారం నిరసన కార్యక్రమాన్ని నిర్వహించారు.

హిందూపురం, అక్టోబర్ 4: రాయలసీమలో నెలకొన్న కరవుపై వామపక్షాల ఆధ్వర్యంలో త్వరలో దండయాత్ర చేపట్టనున్నట్లు సీపీఎం రాష్ట్ర కార్యదర్శి మధు అన్నారు. కరవు కాటకాలతో అల్లాడుతున్న రాయలసీమ పట్ల టీడీపీ ప్రభుత్వం ఉదాసీన వైఖరి అవలంభిస్తోందని ఆయన ఆరోపించారు. అనంతపురం జిల్లా హిందూపురంలో గురువారం ఆయన విలేఖరులతో మాట్లాడుతూ కరవు మండలాలను ప్రకటించి ప్రభుత్వం చేతులు దులుపుకుందని ఆరోపించారు.