మదనపల్లె, అక్టోబర్ 3: ప్రభుత్వాలు మారాలంటే 18ఏళ్ళు నిండిన యువత ఓటరులుగా మారాలని సీబీఐ మాజీ జెడీ లక్ష్మీనారాయణ పిలుపునిచ్చారు. విద్యార్థులు, యువతలో ఆలోచన విధానాలలో మార్పులు చాలా అవసరం అన్నారు. చిత్తూరు జిల్లా మదనపల్లెలో బుధవారం యువత, విద్యార్థులతో ఆయన ఆత్మీయ సభలో మాట్లాడుతూ జీవితంలో ఓ లక్ష్యాన్ని ఏర్పాటుచేసుకోవాలని విద్యార్థులకు పిలుపునిచ్చారు.

అనంతపురం : హిందూపురం మండలం కిరికెర గేటు వద్ద బుధవారం దారుణ హత్య చోటు చేసుకుంది. సికె పల్లి మండలం దామాజిపల్లికి చెందిన రామంజనేయులు అనే వ్యక్తిని దుండగులు కారులో తీసుకొచ్చి, కిరికెర గేటు వద్ద కారుతో తొక్కించి దారుణంగా హత్య చేశారు. హత్య చేసిన నిందితులు పోలీసుల అదుపులో ఉన్నారు.

విశాఖపట్నం: గీతం యూనివర్శిటీ అధినేత, టీడీపీ ఎమ్మెల్సీ ఎంవీవీఎస్ మూర్తి అమెరికాలో జరిగిన రోడ్డు ప్రమాదంలో దుర్మరణం పాలయ్యారు. ఈనెల 6న కాలిఫోర్నియాలోని గీతం యూనివర్శిటీ పూర్వ విద్యార్థుల సమావేశంలో ఆయన ప్రసంగించవలసి వుంది. మంగళవారం ఆయన కాలిఫోర్నియా నుంచి అలస్కాలోని అంకరేజ్ సఫారిని సందర్శించేందుకు వెళుతుండగా వీరు ప్రయాణిస్తున్న వ్యానును ఎదురుగా వస్తున్న ట్రక్కు ఢీకొంది.

శ్రీకాకుళం, అక్టోబర్ 2: ప్రత్యక్ష నారాయణడు శ్రీ సూర్యనారాయణ స్వామి పాదాలను మంగళవారం ఉదయం సూర్యకిరణాలు స్పృశించాయి. ఈ అద్భుత దృశ్యాన్ని చూసి తాను పులకించిపోయానని ఆంధ్రప్రదేశ్ కాంగ్రెస్ కమిటీ అధ్యక్షుడు ఎన్.రఘవీరారెడ్డి వ్యాఖ్యానించారు. మంగళవారం సూర్యనారాయణ స్వామి ఆలయానికి వచ్చిన ఆయన ఉదయం స్వామివారిని దర్శించుకున్నారు.