న్యూఢిల్లీ, ఫిబ్రవరి 27: తమ కంపెనీ నుంచి ఉత్పత్తి అవుతున్న ఎస్‌యూవీ క్రెటా మోడల్ కారు అమ్మకాలు ఐదు లక్షల మైలురాయిని అధిగమించినట్టు హ్యుందయ్ మోటార్ ఇండియా బుధవారం ఒక ప్రకటనలో తెలిపింది. 2015 జూలై మాసంలో మార్కెట్‌లోకి విడుదలైన ఈ మోడల్ కారుకు విపరీతమైన డిమాండ్ ఏర్పడినట్టు తెలిపింది. కేవలం భారత దేశంలోనే 3.7 లక్షల కార్లు అమ్ముడయ్యాయని, విదేశాల్లో అమ్ముడైన కార్ల సంఖ్య 1.40 లక్షలని వివరించింది.

ముంబయి, ఫిబ్రవరి 27: బాంబే స్టాక్ ఎక్ఛ్సేంజ్ (బీఎస్‌ఈ) బుధవారం నాటి లావాదేవీలను యుద్ధ భయం వెంటాడింది. ఫలితంగా ఆరంభంలో లాభనష్టాల మధ్య ఊగిసలాడిన సెనె్సక్స్ చివరికి 68 పాయింట్లు కోల్పోయింది. నిష్టీ కూడా సుమారు 29 పాయింట్ల పతనమైంది. భారత్, పాకిస్తాన్ సరిహద్దుల్లో యుద్ధ మేఘాలు ఆవరించడం స్టాక్ మార్కెట్‌పై ప్రతికూల ప్రభావాన్ని చూపింది.

ముంబయి, ఫిబ్రవరి 27: బ్యాంకులు, ఫైనాన్షియల్ సంస్థల ఆర్థిక లావాదేవీలకు సంబంధించి ముఖ చిత్రం ద్వారా కస్టమర్లను గుర్తించే సాఫ్ట్‌వేర్‌ను రూపొందించి ‘నో యువర్ కస్టమర్’ (కేవైసీ) మ్యాపింగ్‌కు తోడ్పడాలన్న సరికొత్త ప్రతిపాదన రిజర్వుబ్యాంక్ ఆఫ్ ఇండియా ముందుకు వచ్చింది.

ముంబయి: పాకిస్తాన్‌లోని ఉగ్రవాద స్థావరాలపై భారత్ వాయుసేన దాడులను చేపట్టిన క్రమంలో ఆ ప్రభావం దేశీయ స్టాక్ మార్కెట్‌లో మదుపర్ల సెంటిమెంట్‌ను బలహీనపరచింది. దీంతో సూచీలు మంళవారం నష్టాలను నమోదు చేశాయి. ప్రత్యేకించి బీఎస్‌ఈ సెనె్సక్స్ 240 పాయింట్ల దిగువన నమోదైంది. నిన్న అంతర్జాతీయంగా మంచి సానుకూలతలు అందుకున్న ఈక్విటీలు, ఫైనాన్షియల్, రియాలిటీ వాటాలు సైతం అమ్మకాల వత్తిడికి గురయ్యాయి.