ముంబయి, జనవరి 11: లావాదేవీలకు ఈవారం చివరి రోజైన శుక్రవారం స్వల్ప నష్టంతో స్టాక్ మార్కెట్ ముగిసింది. నాలుగు రోజుల వరుస లాభాలకు గురువారం గండిపడిన విషయం తెలిసిందే. అయితే, అంతర్జాతీయ మార్కెట్ సూచీలు సానుకూల ధోరణులను ప్రదర్శిస్తున్న నేపథ్యంలో, బాంబే స్టాక్ ఎక్ఛ్సేంజ్ (బీఎస్‌ఈ)లోనూ లాభాలు నమోదవుతాయన్న అభిప్రాయం వ్యక్తమైంది.

న్యూఢిల్లీ, జనవరి 11: కంపెనీకి ఇండిపెండెంట్ డైరెక్టర్‌గా వ్యవహరించే అవకాశం కిరణ్ మజుందార్ షాకు ఇన్ఫోసిస్ రెండోసారి కల్పించింది. ఏప్రిల్ ఒకటి నుంచి అమె అధికారికంగా బాధ్యతలు తీసుకుంటారు. సుమారు మూడు సంవత్సరాలు పాటు ఆమె ఈ పదవిలో ఉంటారు. ఆమెకు ఉన్న అపారమైన అనుభవం, వివిధ అంశాలపట్ల అవగాహన కంపెనీకి ఎంతగానో ఉపయోగపడతాయని ఇన్ఫోసిస్ చైర్మన్ నందన్ నీలెకనీ ఒక ప్రకటనలో వ్యాఖ్యానించారు.

విజయవాడ(సిటీ): ప్రైవేటు ఆపరేటర్ల పోటీని ఎదుర్కోవడంతోపాటు మెరుగైన సేవలను అందించి ప్రయాణికులకు మరింత చేరువయ్యేందుకు ఆర్టీసీ యాజమాన్యం ప్రయత్నాలను ముమ్మరం చేసింది. రానున్న వేసవి కాలాన్ని దృష్టిలో ఉంచుకుని వీలైనన్ని ఎక్కువ ఏసీ సర్వీసులను నడిపేందుకు రంగం సిద్ధం చేసింది. కొత్తగా వివిధ రకాల 84 ఏసీ బస్సులను కొనుగోలు చేసింది. వీటిలో ఇంద్ర 48, అమరావతి 4 బస్సులు ఉన్నాయి.

ముంబయి, జనవరి 10: గత డిసెంబర్ మాసంలో మనదేశంలో ఉద్యోగ నియామకాల శాతం పెరిగింది. అంతకు క్రితం సంవత్సరం ఇదే కాలంతో పోలిస్తే ఈ నియామకాలు 8 శాతం అధికంగా జరిగాయి. ప్రధానంగా మోటారు వాహనాలు, సహకార రంగాలతోబాటు మానవ వనరుల విభాగాల్లో ఈ నియామకాలు అధికంగా జరిగాయని నౌకరీ వెబ్‌సైట్ అధ్యయన నివేదిక గణాంకాలు వెల్లడిస్తున్నాయి.