న్యూఢిల్లీ, జనవరి 10: ప్రైవేటురంగంలోని బంధన్ బ్యాంకు గురువారం త్రైమాసిక వ్యాపార గణాంకాలను వెల్లడించింది. గడచిన డిసెంబర్‌తో ముగిసిన మూడు నెలల కాలానికి ఈ బ్యాంకు రూ.331.25 కోట్ల లాభాలను గడించింది. అంతకు క్రితం సంవత్సరం ఇదే కాలానికి బేరీజు వేసుకుంటే ఈ లాభాలు 10.3 శాతం అధికం. గత అక్టోబర్ నుంచి డిసెంబర్ వరకు బ్యాంకు మొత్తం ఆదాయం 1,883.85 కోట్ల రూపాయలు పెరిగింది.

విజయవాడ: రాష్ట్రంలో ఫిన్‌టెక్ రంగానికి సీఐఐ సహకారం అందించేందుకు ముందుకు వచ్చింది. ఈ మేరకు ఐటీ శాఖ మంత్రి లోకేష్ సమక్షంలో సీఐఐ, ఏపీ ఫిన్‌టెక్ వ్యాలీ మధ్య బుధవారం ఒప్పందం కుదిరింది. ఒప్పందంలో భాగంగా ఆర్బీఐ, దేశంలోని వివిధ ఫైనాన్స్ వ్యవస్థలు, ఫైనాన్స్ కంపెనీలతో సమన్వయ వేదికను సీఐఐ ఏర్పాటు చేయనుంది.

ముంబయి, జనవరి 9: భారత స్టాక్ మార్కెట్ బుధవారం మరింత పుంజుకుంది. లాభాలను కొనసాగిస్తూ వచ్చిన సెనె్సక్స్ మరోసారి 36,000 పాయింట్లను అధిగమించింది. లావాదేవీలు మొదలైనప్పటి నుంచి సానుకూల ధోరణులు కనిపించడంతో, మదుపరులు కూడా స్టాక్స్ కొనుగోళ్లకు ఆసక్తిని ప్రదర్శించారు. మధ్యలో కొన్ని ఒడిదుడుకులు ఎదురైనప్పటికీ, మొత్తం మీద ట్రేడింగ్ ఆశాజనకంగానే కొనసాగింది.

హైదరాబాద్, జనవరి 9: అమెరికాలోని తమ సబ్సిడిరీ కంపెనీకి సరఫరా చేసిన అనస్తేషియా ఇంజక్షన్లకు సంబంధించిన 13,918 కార్టన్లను సన్‌ఫార్మాస్యూటికల్ స్వచ్ఛందంగా వెనక్కి రప్పిస్తోంది. తాము సరఫరా చేసిన వెక్యురోనియమ్ బ్రొమైడ్ 10 ఎంజీ, 20 ఎంజీ ఇంజక్షన్లలోని కణరూప ద్రవ్యంలో గాజు అవశేషాలను గుర్తించినందున వాటిని స్వచ్ఛందంగా వెనక్కి రప్పిస్తున్నట్టు కంపెనీ వర్గాలు తెలిపాయి.