న్యూఢిల్లీ, జనవరి 9: విమానాల్లో ప్రయాణం చేసే వారికి ఇకపై ఉచిత ట్రావెలింగ్ ఇన్సూరెన్స్ వర్తించనుంది. భారతీ ఏఎక్స్‌ఏ జనరల్ ఇన్సూరెన్స్‌తో కలిసి ఇండియన్ రైల్వేస్ కేటరింగ్ అండ్ టూరిజం కార్పొరేషన్ (ఐఆర్‌సీటీసీ) ఈ సదుపాయాన్ని అదించనుంది. ఈ విషయాన్ని బుధవారం ఒక ప్రకటనలో ఐఆర్‌సీటీసీ స్పష్టం చేసింది. అయితే, తమ ద్వారా విమానం టికెట్లు కొనుగోలు చేసిన వారికే ఈ సౌకర్యాన్ని వర్తింప చేస్తామని వివరించింది.

హైదరాబాద్: మార్కెట్‌లో పత్తి ధర తగ్గుతోందని, అందువల్ల రైతులకు ఇబ్బంది లేకుండా కనీస మద్దతు ధర (ఎంఎస్‌పీ) లభించేలా మార్కెటింగ్, సీసీఐ (కాటన్ కార్పొరేషన్ ఆఫ్ ఇండియా), మార్క్‌ఫెడ్ అధికారులు అవసరమైన చర్యలు తీసుకోవాలని వ్యవసాయ శాఖ ముఖ్యకార్యదర్శి సి. పార్థసారథి ఆదేశించారు. జిల్లాస్థాయి అధికారులతో మంగళవారం ఆయన సచివాలయం నుంచి వీడియో కాన్ఫరెన్స్ నిర్వహించారు.

ముంబయి: ఈక్విటీలు వరుసగా మూడోరోజూ లాభాల బాట పట్టాయి. బీఎస్‌ఈ సెనె్సక్స్ 130 పాయింట్లు ఎగబాకి 35,980 వద్ద ముగిసింది. అలాగే ఎన్‌ఎస్‌ఈ నిఫ్టీ సైతం 231.98 పాయింట్లు లాభపడి 36,212.91 వద్ద ముగిసింది.నిఫ్టీ సైతం 53 పాయింట్లు లాభపడి 10,733.25కు తగ్గినప్పటికీ తర్వాత కోలుకుని 10,855.15 వద్ద లాభాలతోనే ముగిసింది.

న్యూఢిల్లీ, జనవరి 8: భారత్‌తో సంబంధాలను బలోపేతం చేసుకోవడంలో భాగంగా యూరియా, పెట్రోకెమిక ల్స్ పరిశ్రమల్లో పెట్టుబడులను ఇరాన్ ఆహ్వానించింది. ఎరువులను తమ దేశ ప్రజలకు న్యాయమైన ధరలకు అందించేందుకు ఇరాన్ కృషి చేస్తోందని, ఇందులో భాగంగా భారతీయ పెట్టుబడులకు సంబంధించిన ప్రతిపాదనలను ఆ దేశం ఆహ్వానించిందని ఇరాన్ విదేశాంగ శాఖ మంత్రి మొహమ్మద్ జావేద్ జారిఫ్ తెలిపారు.