న్యూఢిల్లీ, జనవరి 5: మన దేశంలోని ఆయిల్ అండ్ నాచురల్ గ్యాస్ కార్పొరేషన్ (ఓఎన్‌జీసీ)కి చెందిన ఓఎన్‌జీసీ విదేష్ లిమిటెడ్ (ఓవీఎల్) దక్షిణ అమెరికాలోని కొలంబియాలో చమురు అనే్వషణకు శ్రీకారం చుట్టింది. తాజాగా జరిపిన అనే్వషణలో రెండవ చమురు నిక్షేపాలను కనుగొన్నట్టు ఓఎన్‌జీసీ శనివారం తెలిపింది. సముద్రతీర ప్రాంతంలోని సీపీఓ-5 బ్లాక్‌లో గల ఇండికో-1 బావిలో ఈ చమురు నిక్షేపాలు కనుగొన్నట్టు పేర్కొంది.

న్యూఢిల్లీ, జనవరి 5: ఇప్పటికే పీకల్లోతు కష్టాల్లో మునిగితేలుతున్న దేశంలోని పెద్ద విమానయాన సంస్థ జెట్ ఎయిర్‌వేస్ భారీ రుణం కోసం స్టేట్ బ్యాంక్ ఆఫ్ ఇండియా (ఎస్‌బీఐ)ని ఆశ్రయిస్తోంది. అప్పుల నుంచి బయటపడేందుకు 1500 కోట్ల రూపాయలు (215 మిలియన్లు) రుణం రూపేణా అందజేయాలని తాజాగా ఎస్‌బీఐని అభ్యర్థించిందని సంబంధిత అధికార వర్గాలు తెలిపాయి.

న్యూఢిల్లీ, జనవరి 5: బ్యాంకు కార్యకలాపాల్లో ప్రభుత్వ జోక్యం తగ్గడంతోపాటు వడ్డీ రేట్లను తగ్గిస్తే భారత్ ఆర్థిక వ్యవస్థలో యూకేను అధిగమించే అవకాశాలు ఉన్నాయని పలువురు ఆర్థిక నిపుణులు పేర్కొంటున్నారు. ముఖ్యంగా ఈ ఏడాది జరిగే దేశ సాధారణ ఎన్నికల్లోగా కీలమైన వడ్డీరేట్లను తగ్గించే దిశగా పూనుకుంటే భారత్ యూకే కంటే 5వ అతి పెద్ద ఆర్థిక వ్యవస్థగా రూపొందే అవకాశం ఉందని వారు పేర్కొన్నారు.

ముంబయి, జనవరి 4: ఈవారానికి చివరి రోజైన శుక్రవారం స్టాక్ మార్కెట్‌కు ఊరట లభించింది. వరుస నష్టాలను ఎదుర్కొన్న సెనె్సక్స్ కొంత వరకు మెరుగుపడింది. 181.39 పాయింట్లు ఎగబాకి, 35,695.10 పాయింట్ల వద్ద ముగిసింది. బుధ, గురు వారాల్లో కొనసాగిన పతనం శుక్రవారం కూడా తప్పదనే అభిప్రాయం బలంగా వినిపించింది.