ముంబయి, ఫిబ్రవరి 17: దేశీయ స్టాక్ మార్కెట్లు శుక్రవారం లాభాల్లో ముగిశాయి. బాంబే స్టాక్ ఎక్స్‌చేంజ్ సూచీ సెనె్సక్స్ దాదాపు 5 నెలల గరిష్ఠ స్థాయిని తాకగా, నేషనల్ స్టాక్ ఎక్స్‌చేంజ్ సూచీ నిఫ్టీ మరోసారి 8,800 మార్కును అధిగమించింది. సెనె్సక్స్ 167.48 పాయింట్లు ఎగిసి 28,468.75 వద్ద స్థిరపడగా, నిఫ్టీ 43.70 పాయింట్లు అందుకుని 8,821.70 వద్ద నిలిచింది.

రాంచీ, ఫిబ్రవరి 16: అవినీతి, రాజకీయ అనిశ్చితి నుంచి బయటపడ్డ జార్ఖండ్ జాతీయ సగటుకు ఎగువగా 4.5 శాతం వృద్ధి రేటును సాధిస్తుందని ఆర్థిక మంత్రి అరుణ్ జైట్లీ స్పష్టం చేశారు. అపారమైన సహజ వనరుల సంపద, పెట్టుబడులకు అవకాశాలు ఇక్కడ విస్తృతంగా ఉన్నాయని జాతీయ సగటు కంటే కూడా వీటన్నింటి కారణంగా ఈ రాష్ట్ర అభివృద్ధి కనీసం 4-5 శాతం ఎగువనే ఉంటుందని తెలిపారు.

ముంబయి, ఫిబ్రవరి 16: గత కొన్ని రోజులుగా నష్టాల బాటలో పడ్డ సెనె్సక్స్ గురువారం గట్టిగా పుంజుకుంది. లావాదేవీలు ముగిసే సమయానికి 146 పాయింట్లు సాధించి 28,301 పాయింట్ల వద్ద ముగిసింది. ఐటి, ఫార్మా సంస్థలు నేటి లావాదేవీల్లో గణనీయంగా లాభపడ్డాయి. ముఖ్యంగా షేర్ల బైబ్యాక్ ప్రతిపాతనను వచ్చేవారి ప్రతిపాదిస్తామంటూ టిసిఎస్ సంస్థ చెప్పడంతో ఐటి షేర్లను ఇనె్వస్టర్లు దృష్టి సారించారు.

న్యూఢిల్లీ, ఫిబ్రవరి 16: భారత అంతరిక్ష పరిశోధనా సంస్థ ఇస్రో ఏకకాలంలో 104 ఉపగ్రహాలను రోదసీలోకి విజయవంతంగా పంపడం వెనుక ఎల్ అండ్ టి ఏరోస్పేస్ విభాగం కూడా కీలక పాత్ర పోషించింది. తమ సంస్థలో భాగంగా ఉన్న ఏరోస్పేస్ విభాగం ఈ ప్రయోగంలో కీలక సేవలను అందించిందని ఎల్‌అండ్‌టి సంస్థ స్పష్టం చేసింది. ఏ రకంగా చూసినా ఇస్రో సాధించిన ఘనవిజయంలో తాము కూడా పాలు పంచుకోవడం ఎంతో ఆనందంగా ఉందని వెల్లడించింది.