విజయవాడ, సెప్టెంబర్ 30: రాష్ట్ర ప్రభుత్వమే మద్యం దుకాణాలు నిర్వహించేందుకు నిర్ణయించిన నేపథ్యంలో ఆ దుకాణాలకు సరఫరా చేసే మద్యంపై పన్ను విధింపు వ్యవహారంపై ఎట్టకేలకు నిర్ణయం తీసుకున్నారు. రాష్ట్రంలో 3500 దుకాణాలకు సంబంధించి అద్దె, రవాణా, సిబ్బంది జీత భత్యాలు, తదితర నిర్వహణ ఖర్చులకు సంవత్సరానికి 700 కోట్ల రూపాయలు అవుతుందని ప్రభుత్వానికి ఆబ్కారీ శాఖ అధికారులు తెలిపారు.

విజయవాడ, సెప్టెంబర్ 30: రాష్ట్రంలో మంగళవారం నుంచి మద్య విక్రయాలను రాష్ట్ర ప్రభుత్వమే చేపట్టనుంది. దశల వారీగా మద్య నిషేధాన్ని అమలు చేసేందుకు ప్రయత్నిస్తున్న రాష్ట్ర ప్రభుత్వం మద్యం దుకాణాల సంఖ్యను తగ్గించి, పని వేళలను కూడా తగ్గించింది. మద్య మహమ్మారిని నిర్మూలించేందుకు తీసుకుంటున్న చర్యల్లో భాగంగా మద్యం దుకాణాల తగ్గింపుపై దృష్టి సారించింది.

న్యూఢిల్లీ, సెప్టెంబర్ 29: ఈ ఆర్థిక సంవత్సరాంతంలోగా రిజర్వు బ్యాంకు నుంచి మధ్యంతర డివిడెండ్‌గా రూ. 30,000 కోట్ల రూపాయలు కేంద్ర ప్రభుత్వం కోరనుందని విశ్వనీయ వర్గాల ద్వారా తెలిసింది. 2019-20 ఆర్థిక సంవత్సరంలో జీడీపీలో 3.3 శాతం లోటుతో నెలకొన్న వృద్ధిరేటును గాడిలో పెట్టేందుకే ప్రభుత్వం ఈ మధ్యంతర డివెండెంట్ సమీకరణపై దృష్టి పెట్టిందని ఆ వర్గాలు తెలిపాయి.

న్యూఢిల్లీ, సెప్టెంబర్ 29: గడచిన రెండు నెలల కాలంగా కేవలం వాటాల విక్రయాలకే పరిమితమైన విదేశీ పెట్టుబడిదారులు ప్రస్తుత సెప్టెంబర్ మాసంలో మాత్రం మన దేశీయ మార్కెట్లలో నికర మదుపర్లుగా మారారు. మన ప్రధాన మార్కెట్లలోకి విదేశీయులు మొత్తం రూ.7,714 కోట్ల మొత్తాన్ని పెట్టుబడులుగా జొప్పించారు. కేంద్ర ప్రభుత్వం చేపట్టిన ఆర్థిక ఉద్దీపన చర్యలు సత్ఫలితాలివ్వడమే దీనికి కారణమని ఆర్థిక నిపుణులు అంచనా వేస్తున్నారు.