వాషింగ్టన్, జూన్ 26: మూడేళ్ల పాలనలో తమ ప్రభుత్వంపై ఒక్క అవినీతి ఆరోపణ లేదని, మచ్చలేని స్వచ్ఛమైన పాలనను అందిస్తున్నామని ప్రధాని నరేంద్ర మోదీ అన్నారు. ఎన్నికల్లో ప్రజలు ప్రభుత్వాలను మట్టికరిపించారంటే దానికి ప్రధాన కారణం అవినీతేనని ఆయన పేర్కొన్నారు. భారతీయులు అవినీతిని అసహ్యించుకుంటారని అన్నారు. ప్రధాని మోదీ అమెరికా పర్యటన సందర్భంగా ఇక్కడి ప్రవాస భారతీయులతో ఏర్పాటుచేసిన సమావేశంలో మోదీ మాట్లాడారు.

వాషింగ్టన్, జూన్ 26: వలసలపై నిషేధం విధించిన అమెరికా అధ్యక్షుడు డొనాల్డ్ ట్రంప్‌కు ఆ దేశ సుప్రీం కోర్టులో స్వల్ప ఊరట లభించింది. ముస్లింల ప్రాబల్యం అధికంగా ఉన్న ఆరు దేశాలను లక్ష్యంగా చేసుకుని ట్రంప్ విధించిన ఈ నిషేధాన్ని అమెరికా సుప్రీం కోర్టు సోమవారం పాక్షికంగా అమలులోకి తీసుకొచ్చింది. ఈ అంశంపై సుప్రీం కోర్టు అక్టోబర్‌లో పూర్తిస్థాయి విచారణ జరిపే వరకూ ఈ నిషేధం అమలులో ఉంటుంది.

లాహోర్, జూన్ 25: రహదారిపై బోల్తాపడ్డ ట్యాంకర్ నుంచి కారుతున్న పెట్రోల్‌ను తీసుకెళ్దామన్న ఆశ 151 మంది ప్రాణాలను బలిగొంది. ఈ సంఘటన లాహోర్‌కు 400 కిలోమీటర్ల దూరంలోని అహ్మద్‌పూర్ షర్కియాప్రాంతంలో ఆదివారం ఉదయం జరిగింది. కరాచి నుంచి లాహోర్ వెళ్తున్న పెట్రోల్ ట్యాంకర్ టైరు పేలిపోవడంతో రహదారిపై బోల్తాపడింది.

వాషింగ్టన్,జూన్ 25: భారత ప్రధాని నరేంద్ర మోదీ, అమెరికా అధ్యక్షుడు డొనాల్డ్ ట్రంప్ మధ్య సోమవారం జరిగే శిఖరాగ్ర సమావేశం అనేక కోణాల్లో ఆసక్తిని కలిగిస్తోంది. ఇటీవల కాలంలో తీవ్రస్థాయి అలజడి సృష్టించిన హెచ్-1బి వీసాలు, పౌర అణు ఇంధన ఒప్పందం, నాసా-ఇస్రోలు సంయుక్తంగా తలెట్టిన ఎర్త్ ఇమేజింగ్ ఉపగ్రహం వంటి అనేక ద్వైపాక్షిక అంశాలు మోదీ-ట్రంప్ మధ్య జరిగే చర్చల్లో ప్రస్తావనకు వచ్చే అవకాశం కనిపిస్తోంది.