జెరూసలెం, జూన్ 25: భారత ప్రధాని నరేంద్ర మోదీ జూలై 4నుంచి మూడు రోజుల పాటు తమ దేశంలో జరపబోతున్న పర్యటన ఇరు దేశాల మధ్య మైత్రీబంధాన్ని మరింతగా బలోపేతం చేయగలదన్న ఆశాభావాన్ని ఇజ్రాయెల్ ప్రధానమంత్రి బెంజమిన్ నెతన్యాహు వ్యక్తం చేశారు. ఇప్పటివరకు ఏ భారత ప్రధాని ఇజ్రాయెల్‌లో పర్యటించని నేపథ్యంలో మోదీ పర్యటన ప్రాధాన్యత మరింతగా పెరిగింది.

రియాద్, జూన్ 24: ముస్లింలకు పవిత్ర మాసమైన రంజాన్‌లో మక్కా మసీదు పేల్చివేసి, విధ్వంసం సృష్టించేందుకు ఉగ్రవాదులు చేసిన ఆత్మాహుతి దాడి యత్నాన్ని సౌదీ భద్రతా దళాలు భగ్నం చేశాయి. శనివారం మక్కా పరిసర ప్రాంతాల్లోని అజ్యాద్ అల్ మసాఫి, జెద్దాలలో భద్రతా దళాలు గస్తీ కాస్తున్న సమయంలో అనుమానాస్పదంగా సంచరిస్తున్న వ్యక్తి తారసపడ్డాడు.

బీజింగ్, జూన్ 24: దక్షిణ చైనాలోని సిచువాన్ రాష్ట్రంలో ఘోర ప్రమాదం చోటు చేసుకొంది. శనివారం ఉదయం 6 గంటల ప్రాంతంలో భారీ ఎత్తున కొండ చరియలు విరిగి పడ్డంతో కొండప్రాంత గ్రామమైన జిన్మో శిథిలాల కింద పూర్తిగా కూరుకు పోయింది. చాలా ఎత్తునుంచి వందలాది టన్నుల కొండచరియలు విరిగి పడ్డంతో గ్రామంలోని అరవైకి పైగా ఇళ్లు పూర్తిగా నేలమట్టమైనాయి.

లిస్బన్ / వాషింగ్టన్, జూన్ 24: భారత ప్రధానమంత్రి నరేంద్ర మోదీ అత్యంత కీలకమైన మూడు దేశాల విదేశీ పర్యటన పోర్చుగల్‌తో ప్రారంభమైంది. అమెరికా అధ్యక్షుడిగా డొనాల్డ్ ట్రంప్ ఎన్నికైన తరువాత, ఆయనతో మోదీ తొలిసారి భేటీ కానున్నారు. ఇరుదేశాలకూ ఇది కీలకమైన సమావేశం కానుంది.