వాషింగ్టన్, జూన్ 29: సరకులు/మానవ (ఎయిర్ లిఫ్ట్) రవాణా చేసే అత్యాధునిక భారీ విమానం బోయింగ్ సి-17 జెట్‌ను భారత్‌కు విక్రయించేందుకు అమెరికా రక్షణ సంస్థ పెంటగాన్ ఆమోదం తెలిపింది. ఈ మేరకు పెంటగాన్ అమెరికా కాంగ్రెస్‌కు తన నిర్ణయాన్ని తెలియజేసింది. సరకులను మాత్రమే కాకుండా విపత్తు సమయాల్లో ప్రజలను కూడా పెద్దఎత్తున సురక్షిత ప్రాంతాలకు తరలించడానికి సి-17లో ఎన్నో ఆధునిక సౌకర్యాలున్నాయి.

బీరూట్, జూన్ 27: సిరియాలో ఐసిస్ ఉగ్రవాద సంస్థ నడుపుతున్న ఓ కారాగార వాసంపై అమెరికా సంకీర్ణ దళాలు జరిపిన వైమానిక దాడిలో దాదాపు 60మంది మరణించారు. అయితే జిహాదీలను లక్ష్యంగా చేసుకుని తాము ఈ దాడులు జరిపామని అమెరికా స్పష్టం చేసింది. దాడుల్లో 60 మంది మరణించిన విషయాన్ని మానవహక్కుల పరిరక్షణ సంఘం ధ్రువీకరించింది.

వాషింగ్టన్, జూన్ 27: ప్రధాని నరేంద్ర మోదీ, అమెరికా అధ్యక్షుడు డోనాల్డ్ ట్రంప్ కలుసుకొన్నది తొలిసారే అయినప్పటికీ వారిద్దరి మధ్య కెమిస్ట్రీ బాగా కుదిరిందనే విషయం వైట్‌హౌస్‌లో వారి భేటీలో చాలా స్పష్టంగా కనిపించింది. మోదీకి ట్రంప్ దంపతులు స్వాగతం చెప్పడం మొదలుకొని ఆయన హోటల్‌కు తిరిగి వెళ్లేటప్పుడు వీడ్కోలు పలికే దాకా కరచాలనాలు, ఆత్మీయ ఆలింగనాలు, పలకరింపులు.. ఇవన్నీ ఆ విషయాన్ని చెప్పకనే చెప్పాయి.

వాషింగ్టన్, జూన్ 27: ప్రధానమంత్రి నరేంద్రమోదీ అమెరికా పర్యటన సందర్భంగా హెచ్1బి వీసాలకు సంబంధించి ట్రంప్ నుంచి హామీని పొందుతారని ఎదురుచూసిన మన దేశ ఐటి నిపుణులకు నిరాశే మిగిలింది. ట్రంప్‌తో జరిగిన భేటీలో మోదీ హెచ్1బి వీసాలకు సంబంధించి మాటమాత్రంగానైనా ప్రస్తావించలేదు. ట్రంప్ అధికారంలోకి వచ్చిన తరువాత హెచ్1బి వీసాల నిబంధనలను కఠినతరం చేసిన విషయం తెలిసిందే.