కామారెడ్డి, సెప్టెంబర్ 24 అప్పుల బాధ తాళలేక అన్నదాత ఆత్మహత్యకు పాల్పడిన సంఘటన కామారెడ్డి జిల్లా మాచారెడ్డి మండలం పల్వంచ గ్రామంలో సోమవారం చోటు చేసుకుంది. మండలంలోని పల్వంచ గ్రామానికి చెందిన కిష్టమ్మగారి రవిందర్ గౌడ్ (38) అనే యువ రైతు అప్పుల బాధతో ఆత్మహత్యకు పాల్పడినట్లు అతని భార్య భాగ్యమ్మ పోలీసులకిచ్చిన ఫిర్యాదులో పేర్కొంది.

చాపాడు, సెప్టెంబర్ 24: మండలంలోని సీతారామపురం గ్రామంవద్ద సోమవారం పాత బ్రిడ్జీపై నుంచి కుందూనదిలోకి రత్న అనే మహిళ ఆత్మహత్య చేసుకోవడానికి దూకిందని ఎస్‌ఐ శ్రీనివాసులు తెలిపారు. ఎస్‌ఐ కథనం మేరకు వివరాలు ఇలా ఉన్నాయి. ప్రొద్దుటూరు మండలం ఖాదరబాద్ గ్రామానికి చెందిన కావుగాల్ల రత్న కుటుంబ మనస్పర్థలతో చాపాడు మండలం సీతారామపురం గ్రామానికి చేరుకుని ఆ నదిలో దూకి ఆత్మహత్యాయత్నం చేసుకోవడానికి ప్రయత్నించింది.

నర్సీపట్నం, సెప్టెంబర్ 24: ఏజన్సీ నుండి మైదాన ప్రాంతానికి ద్విచక్ర వాహనంపై తరలిస్తున్న 40 కిలోల గంజాయిని పట్టణ పోలీసులు స్వాధీనం చేసుకున్నారు. పట్టణ సీ ఐ సింహాద్రినాయుడు అందించిన వివరాలిలా ఉన్నాయి. సోమవారం ఉదయం పట్టణ పొలిమేర్లలో వాహనాల తనిఖీ చేస్తుండగా చింతపల్లి వైపు నుండి వస్తున్న ద్విచక్ర వాహనాన్ని ఆపి బ్యాగ్‌లు పరిశీలించగా గంజాయిని గుర్తించామన్నారు.

అడ్డగూడూరు సెప్టెంబర్ 24: వినాయక నిమజ్జన శోభాయాత్రలో అపశృతి చోటుచేసుకుంది. మండలం పరిధిలోని చౌళ్లరామారంలో ఆదివారం జరిగిన విద్యుత్ ప్రమాదంలో జంపల అనిల్ (18) విద్యుత్ షాక్‌కు గురయ్యాడు. శోభాయాత్రలో సౌండ్‌సిస్టమ్ కోసం విద్యుత్ సరఫరా చేస్తుండగా ప్రమదవం జరిగింది. దీంతో అనిల్‌ను తొర్రూరు హాస్పిటల్‌కు తరలిస్తుండగా మార్గమధ్యంలో మృతిచెందాడు.