న్యూఢిల్లీ, ఏప్రిల్ 25: మియాపూర్ భూముల వివాదం కేసులో అన్ని విచారణలను నిలిపివేయాలని ట్రినిటీ సంస్థ దాఖలు చేసిన పిటిషన్‌పై స్టే ఇచ్చేందుకు సుప్రీంకోర్టు నిరాకరించింది. కూకట్‌పల్లి పోలీస్‌స్టేషన్‌లో నమోదైన ఎఫ్‌ఐఆర్ రద్దు చే యాలని, సివిల్ తగాదా కాబట్టి విచారణపై స్టే ఇ వ్వాలని సంస్థ అభ్యర్థించింది. పిటిషన్‌ను విచారించిన ధర్మాసనం స్టేకు నిరాకరించింది.

న్యూఢిల్లీ, ఏప్రిల్ 25: మొబైల్ నెంబర్లను ఆధార్‌తో సీడింగ్ చేయడం తప్పనిసరి చేస్తూ కేంద్రం ఇచ్చిన ఆదేశాలపై, బుధవారం సుప్రీంకోర్టు కేంద్రాన్ని ప్రశ్నించింది. ‘లోకనీతి ఫౌండేషన్’ దాఖలు చేసిన పిల్‌పై గతంలో తానిచ్చిన ఆదేశాలు, జాతి భద్రతను దృష్టిలో ఉంచుకొని చేసినవన్న కోణంలో పరిగణలోకి తీసుకోవాలని కోరింది. ఆ ఒక్క సందర్భంలో తప్ప నిజానికి అటువంటి ఆదేశాలు ఎన్నడూ ఇవ్వలేదని సుప్రీంకోర్టు స్పష్టం చేసింది.

అచ్యుతాపురం, ఏప్రిల్ 25: విశాఖపట్నం జిల్లా, అచ్యుతాపురం పోలీస్ స్టేషన్‌లో హత్యకేసు నిందితుడు పారిపల్లి రామునాయుడు(60) ఉరిపోసుకొని ఆత్మహత్యకు పాల్పడ్డాడు. ఈ మేరకు స్థానిక ఎస్‌ఐ దీనబంధు బుధవారం తెలిపారు. అచ్యుతాపురం మండలంలోని చీమలాపల్లికి చెందిన రామునాయుడు స్టేషన్‌లో గల మరుగుదొడ్డిలో బుధవారం ఉరిపోసుకున్నాడు.

మదనపల్లె, ఏప్రిల్ 25: ఓ బీటెక్ విద్యార్థిని ఆత్మహత్య చేసుకున్న సంఘటన బుధవారం పుంగనూరు పట్టణంలో చోటుచేసుకుంది. పుంగనూరు పట్టణ ఎస్‌ఐ అరుణ్‌కుమార్‌రెడ్డి కథనం మేరకు వివరాలు ఇలావున్నాయి.. చిత్తూరుజిల్లా పుంగనూరు పట్టణం బజారువీధికి చెందిన శివలింగయ్య కుమార్తె భవాని (20) మదనపల్లె పరిసర ప్రాంతం మిట్స్ ఇంజనీరింగ్ కళాశాలలో బీటెక్ ద్వితీయ సంవత్సరం అభ్యిసిస్తోంది.