రచయితగా కెరీర్‌ను మొదలుపెట్టి స్టార్ దర్శకుడిగా ఎదిగిన అతికొద్దిమంది దర్శకుల్లో కొరటాల శివ ఒకరు. కాగా ప్రస్తుతం కొరటాల శివ మెగాస్టార్ చిరంజీవితో సినిమా చేయబోతున్న విషయం తెలిసిందే. మంచి సోషల్ మెసేజ్‌తో తెరకెక్కనున్న ఈ చిత్రంలో చిరు రైతు పాత్రలో నటించనున్నారని సమాచారం. ఇక ఈ చిత్రంలో చిరంజీవి సరసన నటించే హీరోయిన్ కోసం గత కొంతకాలంగా ప్రయత్నిస్తున్న విషయం తెలిసిందే.

నైనేష్ ఫిలింస్ పతాకంపై ఎల్.వి.రాజశేఖర్‌ని దర్శకుడిగా పరిచయం చేస్తూ లోలుగు సుజయ్ నాయుడు సమర్పణలో గుండ్రెడ్డి వెంకటేశ్వర్‌రెడ్డి నిర్మిస్తున్న ముక్కోణ ప్రేమకథా చిత్రం ‘ఫ్రెండ్‌షిప్ వెర్సెస్ లవ్’. సూర్య, మనీష్, స్నేహ హీరో హీరోయిన్లుగా నటిస్తున్న ఈ చిత్రంలో ఎఫ్.ఎం.బాబాయ్, జబర్దస్త్ అప్పారావు, శిరీష, శ్రీకర్ నిరోష్ ఇతర ముఖ్య పాత్రలు పోషించారు.

రాఘవ లారెన్స్ తనదైన టాలెంట్‌తో ఎంత గుర్తింపు తెచ్చుకున్నాడో తెలియదు గానీ తన మంచితనంతో మాత్రం అందరికంటే బెస్ట్ సెలబ్రెటీ అని నిరూపించుకున్నాడు. ఇకపోతే ప్రస్తుతం కేరళ బాధితుల కోసం చాలామంది తమిళ సినీ ప్రముఖులు సహాయాన్ని ఇవ్వడానికి ముందుకు వచ్చారు. అయితే అందరికంటే ఎక్కువగా లారెన్స్ కోటి రూపాయల విరాళం ఇస్తున్నట్లు ప్రకటించారు.

సీనియర్ హీరో విక్టరీ వెంకటేశ్, మెగా హీరో వరుణ్‌తేజ్‌ల కలయికలో అనిల్ రావిపూడి తెరకెక్కిస్తున్న మల్టీస్టారర్ చిత్రం ఎఫ్2. ఫన్ అండ్ ఫ్రస్టేషన్ ట్యాగ్‌లైన్. ఈ చిత్రం ఇటీవల హైదరాబాద్‌లో మొదటి షెడ్యూల్‌ను కంప్లీట్ చేసుకుంది. తదుపరి షెడ్యూల్ కోసం బ్యాంకాక్‌కు వెళ్ళనుంది చిత్ర యూనిట్. 20 రోజులపాటు జరగనున్న ఈ షెడ్యూల్‌లో కీలక సన్నివేశాలను తెరకెక్కించనున్నారు.