యంగ్ హీరో రాజ్‌తరుణ్ ‘రాజుగాడు’ చిత్రం జూన్ 1న విడుదల కానుంది. ఇటీవలే విడుదలైన పాటలకు, చిత్ర ట్రైలర్‌కు విశేష స్పందన వచ్చింది. ఈడోరకం ఆడోరకం, అంధగాడు, కిట్టు ఉన్నాడు జాగ్రత్త వంటి విజయవంతమైన చిత్రాలనందించిన ఎ.కె.ఎంటర్‌టైన్‌మెంట్స్ పతాకంపై రామబ్రహ్మం సుంకర నిర్మించిన చిత్రం కావడంతో రాజుగాడుపై భారీ ఆసక్తి నెలకొని ఉంది. ఈ చిత్రంతో సంజనారెడ్డి దర్శకురాలిగా పరిచయమవుతున్నారు.

మంచు లక్ష్మి ముఖ్యపాత్రలో ప్యూర్ థ్రిల్లింగ్ ఎలిమెంట్స్‌తో రూపొందిన ‘వైఫ్ ఆఫ్ రామ్’ టీజర్ విడుదలై ఇండస్ట్రీలో, ప్రేక్షకుల్లో ప్రత్యేక ఆసక్తిని రేకెత్తించింది. ఈ సినిమా ఫస్ట్‌లుక్‌ను రిలీజ్ చేసింది చిత్ర యూనిట్. ఆమె పేరు దీక్ష. ఆమెకు ఒక సమస్య ఉందా లేక ఆమే ఒక సమస్యా! అనే పాయింట్‌తో ఆద్యంతం థ్రిల్లింగ్‌గా సాగుతుంది ఈ సినిమా. జూన్ 1న ఈ చిత్రం ట్రైలర్ విడుదల కాబోతోంది.

శ్రీమతి స్వప్న సమర్పణలో స్వాజిత్ మూవీస్ బ్యానర్‌లో నాగశౌర్య, షామిలి జంటగా కె.ఆర్ సహ నిర్మాతగా రాజేష్ నిర్మిస్తోన్న చిత్రం ‘అమ్మమ్మగారిల్లు’. సుందర్ సూర్య దర్శకత్వం వహిస్తున్నారు. మే 25న సినిమా విడుదలవుతోంది. ఈ సందర్భంగా నాగశౌర్య మాట్లాడుతూ- ఈ సినిమాలో రావు రమేశ్ మన ఇంట్లో కనబడే క్యారెక్టర్‌లో కనిపిస్తారు. సుమిత్ర అమ్మమ్మగారి పాత్రకు అతికినట్లు సరిపోయారు.

బాలీవుడ్ స్టార్ హీరో సంజయ్ దత్ ప్రస్థానం హిందీ రీమేక్‌లో నటించనున్నారు. ఒరిజినల్‌ను తెరకెక్కించిన దేవా కట్టానే హిందీలోనూ దర్శకుడు. అక్కడ సాయికుమార్ పాత్రను ఖల్‌నాయక్ సంజయ్‌దత్, శర్వానంద్ పాత్రలో అలీ ఫాజల్ నటించనున్నారు. 2010లో విడుదలైన ప్రస్థానంకు ఎన్నో అవార్డులు వచ్చాయి. శర్వానంద్, సాయికుమార్‌కు విమర్శకుల ప్రశంసలు దక్కాయి.