న్యూఢిల్లీ, జూన్ 14: కడప జిల్లాలో ఉక్కు కర్మాగారం ఏర్పాటు విషయంలో కేంద్ర ప్రభుత్వం ఏపీ ప్రజలను తప్పుదోవ పట్టిస్తోందని లోక్‌సభ సభ్యుడు గల్లా జయదేవ్ ఆరోపించారు. జయదేవ్ గురువారం విలేఖరులతో మాట్లాడుతూ కడపలో స్టీల్ ప్లాంట్ సాధ్యం కాదని 2014 డిసెంబరులోనే సెయిల్ నివేదిక ఇచ్చిందని గుర్తుచేశారు.

న్యూఢిల్లీ, జూన్ 14: కడప జిల్లాలో స్టీల్ ప్లాంట్ ఏర్పాటు విషయంలో బీజేపీపై టీడీపీ కావాలనే దుష్ప్రచారం చేస్తోందని ఏపీ బీజేపీ రాష్ట్ర అధ్యక్షుడు కన్నా లక్ష్మీనారాయణ మండిపడ్డారు. కడపకు ఉక్కు పరిశ్రమ తెచ్చే బాధ్యత తమదేనని ఆయన స్పష్టం చేశారు. లక్ష్మీనారాయణ గురువారం విలేఖరులతో మాట్లాడుతూ టీడీపీ మోసపూరిత చర్యలతో ప్రజల ముందు బీజేపీని దోషులుగా నిలబెట్టాలని చూస్తోందని ఆగ్రహం వ్యక్తం చేశారు.

భిలాయ్ (ఛత్తీస్‌గఢ్), జూన్ 14: ‘హవాయి చెప్పులు వేసుకున్నవారు సైతం విమానాల్లో ప్రయాణం చేస్తే చూడాలన్నది తన కల’ అని ప్రధాని మోదీ అన్నారు. చాలాకాలంగా మావోయిస్టుల ప్రాబల్యంలో ఉన్న బస్తర్ ఏవియేషన్ మేప్‌లో చేరింది. జగదల్‌పూర్ నుంచి రాయ్‌పూర్ వెళ్లే మొదటి విమానాన్ని ఇక్కడ ప్రధాని నరేంద్ర మోదీ ప్రారంభించారు.

న్యూఢిల్లీ, జూన్ 14: కాశ్మీర్‌లో మానవ హక్కుల ఉల్లంఘన జరుగుతోందంటూ ఐక్యరాజ్యసమితి విడుదల చేసిన నివేదిక తప్పుల తడక, సత్యదూరమైనదని, దురుద్దేశ పూర్వకంగా ఉందని భారత్ తీవ్రంగా స్పందించింది. కాశ్మీర్‌పై హ్రస్వదృష్టితో ఎంపిక చేసిన అంశాలపై అవాస్తవాలతో కూడిన అంశాలను నివేదికలో పొందుపరిచారని భారత్ ఘాటుగా విమర్శించింది.