ముంబయి, ఆగస్టు 2: రాష్ట్ర ప్రభుత్వాలు వ్యవసాయ రుణాలను మాఫీ చేయడం వల్ల ఆర్థిక క్రమశిక్షణ గాడి తప్పడంతో పాటు గా ప్రభుత్వం నిధుల ఖర్చు నాణ్యత నీరుగారిపోతుందని రిజర్వ్ బ్యాంక్ ఆఫ్ ఇండియా(ఆర్‌బిఐ) బుధవారం అభిప్రాయ పడింది. దేశంలోనే అతిపెద్ద రాష్టమ్రైన ఉత్తరప్రదేశ్‌తో పాటు గా కర్నాటక, పంజాబ్, మహారాష్టల్రు ఇటీవల వ్యవసాయ రుణాల మాఫీని ప్రకటించడం తెలిసిందే.

న్యూఢిల్లీ,ఆగస్టు 2: బెంగళూరులో ఉంటున్న గుజరాత్ కాంగ్రెస్ శాసన సభ్యులను భయాందోళనకు గురిచేసేందుకే ఆదాయం పన్ను శాఖ అధికారులు కర్నాటక మంత్రి శివకుమార్ నివాసం, ఇతర కార్యాలయాలపై దాడులు చేశారనటం ఎంత మాత్రం నిజం కాదని కేంద్ర ఆర్థిక,రక్షణ శాఖ మంత్రి అరుణ్‌జైట్లీ రాజ్యసభలో ప్రకటించారు.

ముంబయి, ఆగస్టు 2: ప్రఖ్యాత నటుడు దిలీప్‌కుమార్ (94)బుధవారం రాత్రి అస్వస్థత కారణంగా బుధవారం ఇక్కడ లీలావతి ఆసుప్రతిలో చేరారు. డిహైడ్రేషన్, మూత్రకోశ సంబంధిత సమస్యతో ఆయన ఆసుపత్రిలో చేరారని ఆయన ఆరోగ్య పరిస్థితి ఆందోళనకరమేమీ కాదని సమీప బంధువుఒకరు తెలిపారు. దిలీప్ ఆరోగ్యం గురించి ఆందోళన చెందాల్సిన అవసరం లేదని, ఆయన ఐసియూలే ఏమీ లేరని వెల్లడించారు.

బెంగళూరు, ఆగస్టు 2: కర్నాటక విద్యుత్ మంత్రి డికె శివకుమార్ ఆస్తులపై బుధవారం పెద్దఎత్తున ఐటి అధికారులు దాడులు జరిపారు. పన్ను ఎగవేత కేసులో భాగంగా జరిపిన దాడుల్లో రూ.9 కోట్ల నగదు స్వాధీనం చేసుకున్నట్లు ఐటి బృందం వెల్లడించింది. నగదును లెక్కించడం కోసం ఢిల్లీలోని సఫ్దర్‌గంజ్ ఎన్‌క్లేవ్, కర్నాటకలోని హాసన్, మైసూరు నుంచి నోట్ల లెక్కింపు యంత్రాలను తెప్పించినట్టు అధికారులు వెల్లడించారు.