న్యూఢిల్లీ, జూలై 5: తమిళనాడు అసెంబ్లీలో బలపరీక్ష సందర్భంగా ఎమ్మెల్యేలకు నగదు, బంగారం ఎరవేశారన్న వ్యవహారాన్ని పరిశీలించేందుకు బుధవారం సుప్రీం కోర్టు అంగీకరించింది. గత ఫిబ్రవరిలో ముఖ్యమంత్రి ఎడప్పాడి పళనిస్వామి విశ్వాస పరీక్షను ఎదుర్కొన్నారు. పళనిస్వామికి మద్దతు ఇవ్వాలంటూ శశికళ వర్గం ఎమ్మెల్యేలకు భారీఎత్తున నగదు, బంగారం ఎవరేసినట్టు ఓ ఆంగ్ల చానెల్ నిర్వహించిన స్టింగ్ ఆపరేషన్‌లో బయటపడింది.

న్యూఢిల్లీ, జూలై 4: ఉప రాష్టప్రతి ఎన్నికలకు నోటిఫికేషన్ జారీ అయింది. ఆగస్టు 5న ఉప రాష్టప్రతి ఎన్నిక జరుగుతుంది. ఈనెల 18న నామినేషన్లు స్వీకరిస్తారు. 19న నామినేష్ల పరిశీలన కాగా ఉపసంహరణ తేదీ 21. ఈమేరకు కేంద్ర ఎన్నికల సంఘం మంగళవారం నోటిఫికేషన్ విడుదల చేసింది. ఉపరాష్ట్ర పదవికి ఎన్నిక అనివార్యమయితే ఆగస్టు 5న జరుగుతుంది. అదే రోజు సాయంత్రం ఓట్ల లెక్కింపుఉంటుందని ఇసి వెల్లడించింది.

న్యూఢిల్లీ, జూలై 4: ఎన్‌డిఏ రాష్టప్రతి అభ్యర్థి రామ్‌నాథ్ కోవింద్‌ను మూడింట రెండింతల మెజారిటీతో గెలిపించుకునేందుకు బిజెపి రంగం సిద్ధం చేసింది. ఇప్పటికే దాదాపు అరవై ఐదు శాతం ఓట్లను పదిలం చేసుకున్న బిజెపి ఇప్పుడు లోక్‌సభ, రాజ్యసభకు చెందిన ఇండిపెండెంట్ సభ్యులతోపాటు ఆయా రాష్ట్రాల్లో ఉన్న ఇండిపెండెంట్ శాసనసభ్యుల మద్దతు కూడగట్టుకునేందుకు బిజెపి అధినాయకత్వం పావులు కదుపుతోంది.

న్యూఢిల్లీ, జూలై 4: దేశవ్యాప్తంగా ప్రత్యేక ఆర్థిక మండళ్ల (సెజ్) పేరిట సమీకరించిన భూములలో నిరుపయోగంగా ఉన్నవాటిని తిరిగి రైతులకు ఇవ్వాలంటూ సుప్రీం కోర్టులో దాఖలైన పిటిషన్‌పై ఏపీ-తెలంగాణతోసహా అన్ని రాష్ట్రాలకు నోటీసులు జారీచేసింది.