న్యూఢిల్లీ, జూలై 4: కేంద్ర ఎన్నికల సంఘం ప్రధానాధికారిగా అచల్‌కుమార్ జ్యోతి నియమితులయ్యారు. చీఫ్ కమిషనర్ నసీం జైదీ గురువారం పదవీ విరమణ చేయనున్నారు. ప్రస్తుతం ఎన్నికల కమిషనర్‌గా పనిచేస్తున్న జ్యోతి(64) గతంలో గుజరాత్ రాష్ట్ర ప్రభుత్వ ప్రధానకార్యదర్శిగా పనిచేశారు. నరేంద్ర మోదీ ముఖ్యమంత్రిగా ఉన్నప్పుడు అచల్‌కుమార్ అక్కడ విధులు నిర్వర్తించారు.

న్యూఢిల్లీ, జూలై 4: భారత్ చైనాల మధ్య సిక్కింపై తలెత్తిన వివాదం క్రమంగా సంఘర్షణలకు దారితీసే అవకాశం కన్పిస్తోంది. సిక్కింపై రాజీ లేదని మంగళవారం తేల్చి చెప్పిన చైనా, పరిస్థితి గంభీరంగా ఉందని, దాన్ని పరిష్కరించాల్సిన బాధ్యత భారత్‌దేనని విస్పష్టంగా తెలిపింది. అసాధారణ రీతిలో భారత్‌లోని చైనా రాయబారి లూ వో జా హుయి ఈ వ్యాఖ్యలు చేయటం రెండు దేశాల మధ్య పరిస్థితులను మరింత తీవ్రతరం చేసేదిగానే కన్పిస్తోంది.

న్యూఢిల్లీ, జూలై 3: ముక్కుసూటిగా, ధైర్యంగా ముందుకు సాగినప్పుడే అనుకున్న లక్ష్యాలను సాధించ గలుగుతామని ప్రధాని నరేంద్ర మోదీ అన్నారు. మన తర్వాత స్వాతంత్య్రం సాధించిన దేశాలన్నీ అద్భుతంగా అభివృద్ధి సాధించాయని కానీ మన దేశం మాత్రం అనుకున్నంత ప్రగతి సాధించలేక పోయిందని పేర్కొన్నారు. మార్పు తేవాలంటే దానికి కఠిన నిర్ణయాలను ధైర్యంగా తీసుకోగల సత్తా ఉండాలని అన్నారు.

న్యూఢిల్లీ, జూలై 3: ఇప్పటివరకు ఏ భారత ప్రధాని చేయని ప్రయత్నమిది. అది వినూత్న ఆలోచనలకు దివిటీ పట్టే ప్రధాని నరేంద్ర మోదీ చేస్తున్నారు. నేటి యువతను రేపటి ఆశాసౌధానికి సారధులుగా తీర్చిదిద్దే ఓ బృహత్తర కార్యక్రమాన్ని భుజానకేసుకుంటున్నారు. అదే యువతలో ఉత్సాహాన్ని ఉత్తేజాన్ని పాదుకొల్పుతూ రేపటి కోసం వారు అహరహరం పరితపించే రీతిలో తన ఆలోచనలను రంగరిస్తూ ఈ అక్షర సంధానం చేస్తున్నారు.