న్యూఢిల్లీ, నవంబర్ 6: వ్యవసాయం, జీవ వైవిధ్యాన్ని పరిరక్షించడంపై రూపొందించే చట్టాలు భారత్‌లాంటి అభివృద్ధి చెందుతున్న దేశాల్లో వ్యవసాయాభివృద్ధిని దెబ్బ తీయకూడదని ప్రధాని నరేంద్ర మోదీ అభిప్రాయ పడ్డారు. అంతేకాదు పంట దిగుబడిని పెంచే సాంకేతిక పరిజ్ఞానాలు నిలకడయిన అభివృద్ధిని కుంటుపడనీయకూడదని కూడా ఆయన స్పష్టం చేశారు.

జమ్ము, నవంబర్ 6: భారత సైన్యం విజయవంతంగా జరిపిన లక్షిత దాడులతో బరితెగించిన పాకిస్తాన్ సీమాంతర కాల్పులను విచ్చలవిడిగా కొనసాగిస్తూనే ఉంది. మరోవైపు, ఉగ్రవాదులను భారత్‌లోకి పంపించేందుకు విఫల యత్నాలు చేస్తూనే ఉంది. వీటికి భారత సైన్యం గట్టిగా జవాబిస్తోంది. దీంతో పాకిస్తాన్ సరిహద్దులో తీవ్ర ఉద్రిక్త పరిస్థితులు కొనసాగుతున్నాయి.

సూరత్, నవంబర్ 5: గుజరాత్‌కు చెందిన వజ్రాల వ్యాపారి సావ్‌జీ ధోలాకియా ప్రతి సంవత్సరం దీపావళి సందర్భంగా తన కంపెనీలో పని చేసే ఉద్యోగులకు ఖరీదయిన బహుమతులు ఇవ్వడం తెలిసిందే. ఈ సంవత్సరం కూడా ఆయన దాదాపు 50 కోట్ల రూపాయల విలువైన 1200 కార్లు, 400 ప్లాట్లు తన ఉద్యోగులకు దీపావళి గిఫ్ట్‌లుగా ఇచ్చారు.

న్యూఢిల్లీ, నవంబర్ 5: ఎన్‌డిటివి ఇండియా న్యూస్ చానల్‌పై కేంద్రం ఒక రోజు నిషేధం విధించడంపై ప్రభుత్వం, ప్రతిపక్షాల మధ్య మాటల యుద్ధం శనివారం మరింత తీవ్రమైంది. దేశ భద్రతను దృష్టిలో పెట్టుకునే ఈ నిషేధం విధించినట్లు కేంద్రం అంటుండగా, ఈ చర్య రెండో ఎమర్జెన్సీని గుర్తుకు తెస్తోందని ప్రతిపక్షాలు దుయ్యబట్టాయి.