న్యూఢిల్లీ, నవంబర్ 3: నూతన రాజధాని అమరావతి నిర్మాణానికి నదులు,జలాశయాలు,్భగర్భ జలాలపై సమగ్ర ఆధ్యయనం చేయకుండానే పర్యావరణ అనుమతులిచ్చారని పిటిషనర్ల తరఫున్యాయవాది నేషనల్ గ్రీన్ ట్రిబ్యునల్ (ఎన్జీటి)ముందు వాదించారు. నూతన రాజధాని నిర్మాణంపై ఎన్జీటిలో దాఖలైన పిటిషన్లపై జస్టిస్ స్వతంత్రకుమార్‌తో కూడిన ధర్మాసనం గురువారం నాడు విచారణ జరిపింది.

న్యూఢిల్లీ, నవంబర్ 3: ప్రకృతి వైపరీత్యాలను ఎదుర్కొనేందుకు పది పాయింట్ల ప్రణాళికను ప్రధాని నరేంద్ర మోదీ ప్రతిపాదించారు. విపత్తుల నష్టాన్ని తగ్గించేందుకు తీసుకోవలసిన చర్యలపై చర్చించేందుకు ఏర్పాటు చేసిన ఆసియా దేశాల మంత్రుల మూడు రోజుల సదస్సును ఆయన గురువారం ఢిల్లీలో ప్రారంభించారు.

లక్నో, నవంబర్ 3: సమాజ్‌వాదీ పార్టీలో సాగుతున్న అంతఃకలహాల నేపథ్యంలో ఆ పార్టీ నిర్వహించతలపెట్టిన రథయాత్రపై నెలకొన్న ఉత్కంఠకు తెరపడింది. ఉత్తరప్రదేశ్ ముఖ్యమంత్రి, ములాయం సింగ్ కుమారుడు అఖిలేష్ యాదవ్ నిర్వహించ తలపెట్టిన ఈ రథయాత్రను అధినేత ములాయం స్వయంగా ప్రారంభించడమే కాకుండా, ఆయన బాబాయి శివపాల్ యాదవ్ కూడా ఈ కార్యక్రమంలో పాల్గొనడం ద్వారా పార్టీ ఐక్యంగా ఉందనే సందేశాన్ని ఇవ్వడానికి ప్రయత్నించారు.

లే/న్యూఢిల్లీ, నవంబర్ 3: వాస్తవాధీన రేఖ ప్రాంతంలోని డెమ్‌చోక్ వద్ద గత 36 గంటల నుంచి భారత్-చైనా సైనికుల మధ్య తీవ్రస్థాయి ఉద్రిక్త పరిస్థితులు కొనసాగుతున్నాయి. దురుసుగా ప్రవర్తించిన చైనా సైనికుల్ని భారత జవాన్లు అంగుళం కూడా ముందుకు రాకుండా నిరోధించగలిగారు. ఎమ్‌ఎన్‌ఆర్‌జిఎ పథకం కింద భారత సైనిక ఇంజనీర్లు ఈ ప్రాంతంలో చేపడుతున్న పనులకు చైనా సైనికులు అభ్యంతరం చెప్పడంతో ఈ పరిస్థితి ఏర్పడింది.