లండన్, జూలై 28: న్యూజిలాండ్ క్రికెటర్ మార్టిన్ గుఫ్తిల్ మెరుపులు మెరిపించాడు. 38 బంతుల్లో 102 పరుగులు సాధించి టీ-20ల్లో వేగవంతమైన సెంచరీలు సాధించిన స్ట్రయికర్ల జాబితాలోకి చేరిపోయాడు. వర్సెస్టర్‌షైర్, నార్తంప్టన్‌షైర్ జట్ల మధ్య శనివారం జరిగిన టీ-20 కౌంటీ మ్యాచ్‌లో గుఫ్తిల్ ఈ ఘనత సాధించాడు.

హంబన్‌టోట, జూలై 27: భారత్ అండర్ 19 కుర్రాళ్లు శ్రీలంక యూత్ జట్టుపై పూర్తి ఆధిపత్యాన్ని సాధించారు. మహీంద్రా రాజపక్సే అంతర్జాతీయ క్రికెట్ స్టేడియంలో శుక్రవారం కొనసాగిన రెండో టెస్ట్‌ను ఇన్నింగ్స్ సహా 147 పరుగుల ఆధిక్యంతో ముగించి 2-0తో సిరీస్ కైవసం చేసుకుంది. చివరి రోజు మ్యాచ్‌లో అద్భుత ఫాం ప్రదర్శించిన ఎడమ చేతివాటం స్పిన్నర్ సిద్దార్థ్ దేశాయ్ భారత్ విజయంలో కీలకపాత్ర పోషించాడు.

న్యూఢిల్లీ, జూలై 27: జూనియర్ ఎన్‌బిఏ ప్రపంచ చాంపియన్‌షిప్ టోర్నీకి భారత్ నుంచి 20మంది బాలబాలికలు ప్రాతినిథ్యం వహించబోతున్నారు. ప్రపంచవ్యాప్తంగా 13, 14 ఏళ్ల పిల్లలతో ఎన్‌బిఏ గ్లోబల్ యూత్ బాస్కెట్‌బాల్ టోర్నీ నిర్వహించడం ఇదే ప్రథమం. జూనియర్ ఎన్‌బిఏ వరల్డ్ చాంపియన్‌షిప్ టోర్నీలో పోటీ పడనున్న వివిధ దేశాలకు చెందిన 32 జట్లను ఇప్పటికే ఎన్‌బిఏ ప్రకటించింది కూడా.

న్యూఢిల్లీ: ఈ ఏడాది సెప్టెంబర్‌లో జరిగే ఆసియా కప్ షెడ్యూల్‌పై మాజీ సీనియర్ క్రికెటర్ వీరేంద్ర సెహ్వాగ్ అసంతృప్తి వ్యక్తం చేశాడు. ఆసియా కప్ నిర్వాహకులు తీసుకున్న నిర్ణయం వల్ల భారత క్రికెటర్లపై ఒత్తిడి పెరుగుతుందని అభిప్రాయపడ్డాడు.