నిజ్‌హ్నీ నొవ్‌గోరోడ్, జూలై 5: ఫిఫా వరల్డ్ కప్ టోర్నమెంట్‌లో శుక్రవారం నాడు జరిగే క్వార్టర్ ఫైనల్స్‌లో ఉరుగ్వే-ఫ్రాన్స్ జట్లు తలపడనున్నాయి. రెండు జట్లు ఈ మ్యాచ్‌లో విజయావకాశాలను మెరుగుపరుచుకోవడం ద్వారా సెమీఫైనల్స్‌లో అడుగుపెట్టాలని యోచిస్తున్నాయి. ఉరుగ్వే జట్టులో స్టార్ స్ట్రయికర్ ఎడిన్‌సన్ కవానీ అద్భుతమైన ఫామ్‌లో ఉన్నాడు. రష్యాతో జరిగిన ఒక మ్యాచ్‌లో గట్టి పోటీ ఇచ్చాడు.

న్యూఢిల్లీ, జూలై 5 : ఇండోనేసి యాలో జరిగే ఆసియా గేమ్స్‌లో భారత ఫుట్‌బాల్ జట్లు పాల్గొనడం లేదని ఇండియన్ ఒలింపిక్ అసోసియేషన్ (ఐఓఏ) అధికారికంగా ప్రకటించింది. ఈ టోర్నీలో తమ జట్లకు భవిష్యత్తు లేకపోవడంతో పాల్గొనడం లేదని స్పష్టం చేసింది. మరోవైపు పురుషుల ఫుట్‌బాల్ జట్టు వచ్చే ఏడాది జరిగే ఏసియన్ గేమ్స్‌లో సత్తా చాటాలని భావిస్తుండగా, ఐఓఏ నిర్ణయం వివాదాస్పదమైంది.

బీజింగ్, జూలై 5: అది ఆషామాషి మన ఇళ్లల్లో తిరిగే పిల్లి కాదు. చైనాతో పాటు ప్రపంచ వ్యాప్తంగా క్రీడాభిమానుల ప్రేమను చూరగొన్న పిల్లి. వరల్డ్ కప్ గేమ్స్‌లో ఏ దేశం గెలుస్తుందో ముందుగా జోస్యం చెప్పే పిల్లి. దీంతో ఆ పిల్లికి వీరాభిమానులు ఉన్నారు. కానీ పిల్లి కూడా ఒక జీవే. ఆ పిల్లి బీజింగ్‌లో తాను ఉంటున్న ఆర్కియాలజీ ప్యాలెస్‌లో మరణించింది.

మాస్కో, జూలై 4: నాటకీయ పరిణామాల మధ్య సాగిన నాకౌట్ రౌండ్ తుది మ్యాచ్‌లో ఇంగ్లాండ్ విజయం సాధించి క్వార్టర్ ‘్ఫర్’కు తెరలేపింది. ఉండే నలుగురెవరో, ఊడే నలుగురెవరో తేల్చుకోడానికి ఎనిమిది జట్లు పదుమైన సాధన పూర్తి చేసుకుని పరుగులు తీస్తున్నాయి. నిజ్ని నోవ్‌గోరోడ్, కజన, సమర, ఫిష్ట్ మైదానాల్లో రెండు రోజుల పాటు (శుక్ర, శనివారం) సాగే రసవత్తర పోరు తిలకించేందుకు అభిమానులూ ఉరకలెత్తుతున్నారు.