న్యూఢిల్లీ, మే 26: అంతర్జాతీయ క్రికెట్‌కి ఏబీ డివిలియర్స్ వీడ్కోలు పలికిన తరువాత, ఇండియన్ ప్రీమియర్ లీగ్ (ఐపీఎల్) క్రికెట్‌లో రాయల్ చాలెంజర్స్ బెంగళూరు జట్టు సహచరుడు, టీమిండియా కెప్టెన్ విరాట్ కోహ్లి తనదైన శైలిలో స్పందించాడు. ఈ సందర్భంగా మాట్లాడుతూ.. ‘బ్రదర్ నువ్వు చేసే ప్రతి పనిలో మంచి జరగాలని ఆశిస్తున్నాను.

మెల్‌బోర్న్, మే 25: దక్షిణాఫ్రికాలోకి కేప్ టౌన్‌లో ఆతిధ్య జట్టుతో గత మార్చిలో జరిగిన టెస్టు మ్యాచ్‌లో జరిగిన బాల్ ట్యాంపరింగ్ వివాదంలో పాత్ర ఉన్నట్టు రుజువు కావడంతో ఏడాది కాలం పాటు నిషేధం ఎదుర్కొంటున్న ఆస్ట్రేలియా క్రికెట్ కెప్టెన్ స్టీవ్ స్మిత్ మళ్లీ క్రికెట్‌లో అడుగుపెట్టనున్నాడు. జూన్ 28 నుంచి ప్రారంభం కానున్న కెనడా గ్లోబల్ టీ-20 లీగ్ మ్యాచ్‌లో అతను ‘మాక్వీ’ ఆటగాళ్లతో కలసి ఆడనున్నాడు.

న్యూఢిల్లీ. మే 25: నేషనల్ షూటింగ్ ఫెడరేషన్ ఆధ్వర్యంలో కేరళలో జరగాల్సిన కుమార్ సురేంద్ర సింగ్ మెమోరియల్ 18వఛాంపియన్ షిప్ టోర్నీని నిఫా వైరస్ ముప్పు పొంచి ఉండడంతో ఢిల్లీకి తరలించారు. చాంపియన్‌షిప్‌లో భాగంగా రైఫిల్, పిస్టోల్ షుటర్స్ షెడ్యూల్‌ను మే 31 నుంచి జూన్ 18వరకు తిరువనంతపురంలో జరగాల్సి ఉంది. జూన్ రెండో వారంలో డా.కర్ణి సింగ్ షుటింగ్ జరగనుంది.

ఇంగ్లాండ్, మే 25: ఇక్కడి లార్డ్ మైదానంలో ఇంగ్లాండ్‌తో జరుగుతున్న తొలి టెస్టు మ్యాచ్ రెండో రోజు శుక్రవారం పాకిస్తాన్ 162 పరుగుల ఆధిక్యం సాధించింది. తొలిరోజు గురువారం 58.2 ఓవర్లలో 184 పరుగులకే ఇంగ్లాండ్ ఆలౌటైంది. అనంతరం బ్యాటింగ్‌ను ప్రారంభించిన పాక్ తొలిరోజు ఆట ముగిసే సమయానికి ఒక వికెట్ నష్టానికి 50 పరుగులు చేసింది. ఇమాముల్ హక్ నాలుగు పరుగులు చేసి ఔట్ అయ్యాడు.