న్యూఢిల్లీ, జూలై 15: ప్రొఫెషనల్ బాక్సర్‌గా మారిన తర్వాత ఇప్పటివరకు ఓటమి ఎరుగని భారత బాక్సింగ్ స్టార్ విజేందర్ సింగ్ శనివారం ఇక్కడ డబ్ల్యుటిఓ ఆసియా పసిఫిక్ సూపర్ మిడిల్‌వెయిట్ టైటిల్ కోసం ఆస్ట్రేలియాకు చెందిన కెర్రీ హోప్‌ను ఢీకొంటున్నాడు.హోప్‌ను సులువుగా ఓడించగలనన్న ధీమాతో అతను ఉన్నాడు.

చెంగ్డూ (చైనా), జూలై 14: చైనాలోని చెంగ్డూలో జరిగిన మహిళల ఫైడ్ గ్రాండ్ ప్రీ చెస్ టోర్నమెంట్‌లో ‘తెలుగు తేజం’ ద్రోణవల్లి హారిక విజేతగా నిలిచింది. గురువారం ఆమె రష్యాకు చెందిన ఓల్గా గిర్యాతో ఉత్కంఠ భరితంగా జరిగిన చివరి రౌండ్ గేమ్‌ను డ్రాగా ముగించి కెరీర్‌లో తొలిసారి గ్రాండ్ ప్రీ టైటిల్‌ను కైవసం చేసుకుంది.

బెంగళూరు, జూలై 14: ప్రో కబడ్డీ లీగ్ (పికెఎల్) నాలుగో సీజన్‌లో టేబుల్ టాపర్ జైపూర్ పింక్ పాంథర్స్‌కు యు-ముంబా షాక్ ఇచ్చింది. గురువారం ఇక్కడ ఉత్కంఠ భరితంగా సాగిన పోరులో యు-ముంబా 29-23 పాయింట్ల తేడాతో పింక్ పాంథర్స్‌ను ఓడించి పాయింట్ల పట్టికలో నాలుగో ఎగబాకింది. ఎంతో అనుభవజ్ఞులైన రాకేష్ కుమార్, అనూప్ కుమార్ 12 పాయింట్లు సాధించి యు-ముంబాకు ఈ చిరస్మరణీయ విజయాన్ని అందించారు.

న్యూఢిల్లీ, జూలై 14: ఫుట్‌బాల్ ప్రపంచ ర్యాంకింగ్స్‌లో భారత్ మరింత ఉన్నత స్థానానికి దూసుకెళ్లింది. గత నెలలో లావోస్‌పై వరుసగా రెండు విజయాలు సాధించిన భారత జట్టు తాజాగా అంతర్జాతీయ ఫుట్‌బాల్ సమాఖ్య (్ఫఫా) విడుదల చేసిన ర్యాంకింగ్స్‌లో ఏకంగా 11 స్థానాలను ఎగబాకి 152వ ర్యాంకుకు చేరుకుంది.