అమరావతి, నవంబర్ 10: లోకేశ్ మాట్లాడితే ఎన్ని తడబాట్లు, ఇంకెన్ని తొట్రుపాట్లు కనిపిస్తాయోనని కెమెరాలు, వీడియోలు ప్రసంగంపైనే ఒళ్లంతా కళ్లు చేసుకునేవి. విలేఖరులు చెవులు రిక్కిరించి వినేవారు. దానికి కారణం ఆయన ప్రసంగాల్లో తరచూ దొర్లే తప్పులు, తడబాట్లు, గతానుభవాలే! కానీ, యువనేత లోకేశ్ అసెంబ్లీలో చేసిన తొలి ప్రసంగం అందుకు విరుద్ధంగా సాగింది.

హైదరాబాద్, నవంబర్ 10: సొంత భవనాలు, స్థలాల వంటి స్థిర ఆస్తులు లేని 10 షెడ్యూల్ పరిధిలోకి వచ్చే సంస్థల విభజనతో పాటు ఢిల్లీలోని ఎపి భవన్ విభజన, స్టేట్ కేడర్ ఉద్యోగుల విభజనకు సబ్ కమిటీ ఏర్పాటుకు ఆంధ్రప్రదేశ్, తెలంగాణ రాష్ట్రాల ప్రభుత్వాలు అంగీకరించాయి. ఆంధ్రప్రదేశ్ రాష్ట్ర పునర్ విభజన పెండింగ్ అంశాల పరిష్కారానికి కేంద్ర ప్రభుత్వం నియమించిన రాష్ట్ర సలహా సంఘం శుక్రవారం సచివాలయంలో సమావేశమైంది.

భద్రాచలం టౌన్, నవంబర్ 9: అటు శ్రీ సీతారామచంద్ర స్వామి రామాలయం.. ఇటు కోదండరాముని కోవెల.. మరోవైపు పంచాయతీ కార్యాలయం.. పక్కనే రక్షకభట నిలయం.. ఎడమవైపు నిత్యాన్నదాన సత్రం.. కుడివైపు అనుబంధ ఆలయాలు.. ప్రశాంత వాతావరణం ఉండాల్సిన ఈ ప్రాంతాన్ని మద్యం వ్యాపారులు తమకు అనువైనది ఎంచుకున్నారు. పుణ్యక్షేత్రమైన భద్రాద్రిలో ఇలాంటి దృశ్యాలకు లోటులేదు.

హైదరాబాద్, నవంబర్ 9: ప్రముఖ ఐటిఎం గ్రూపు సంస్థ భారతదేశ ప్రముఖ బ్యాడ్మింటిన్ ఆటగాడు, నాలుగవ వరల్డ్ సూపర్ టైటిల్ విజేత శ్రీకాంత్ కిడాంబితో తన భాగస్వామ్యాన్ని ప్రకటించింది. రెండు ఆశయాలతో ఈ భాగస్వామ్యం చేసుకున్నట్లు ఐటిఎం గ్రూప్ పేర్కొంది.