అమరావతి, నవంబర్ 11: రాజకీయ సుస్థిరత కోసం తమ రాష్ట్రాల్లో అసెంబ్లీ సీట్లు పెంచుకోవాలని భావిస్తోన్న తెలుగు చంద్రులకు ఎప్పటికప్పుడు చుక్కెదురవుతూనే ఉంది. విభజన చట్టం హామీ ప్రకారం ఆంధ్రప్రదేశ్-తెలంగాణ రాష్ట్రాల్లో సీట్ల సంఖ్యను పెంచాలని ఏపి ముఖ్యమంత్రి చంద్రబాబునాయుడు, తెలంగాణ రాష్ట్ర సీఎం చంద్రశేఖర్‌రావు చాలాకాలం నుంచీ కేంద్రంపై వేర్వేరుగా ఒత్తిడి చేస్తున్నారు.

హైదరాబాద్, నవంబర్ 11: హైదరాబాద్ ఫార్మా సిటీకి పర్యావరణ అనుమతులకు ఉన్న అవరోధాలు తొలగిపోతున్నాయి. రాష్ట్రప్రభుత్వం ప్రతిష్టాకరంగా చేపట్టిన ఫార్మాసిటీకి సంబంధించి నిర్వహించిన బహిరంగ విచారణలో ప్రజాభిప్రాయం అనుకూలంగా వచ్చినట్లు పరిశ్రమల శాఖ వర్గాలు తెలిపాయి. బహిరంగ విచారణలో పాల్గొన్న వారిలో ఎక్కువ మంది సమర్ధించారు. దీంతో పర్యావరణ అనుమతులు త్వరలోనే కేంద్రం మంజూరు చేసే అవకాశాలు ఉన్నాయి.

హైదరాబాద్, నవంబర్ 11: తెలంగాణలో ఇప్పుడున్న పాలక, ప్రతిపక్షాలకు ప్రత్యామ్నాయంగా రాజకీయ వేదిక ఏర్పాటు చేయాలని టి.జేఏసీపై వత్తిడి పెరుగుతున్నది. ఈ విషయాన్ని స్వయాన టి.జెఎసి చైర్మన్ ప్రొఫెసర్ ఎం. కోదండరామ్ వెల్లడించారు. ప్రొఫెసర్ కోదండరామ్ అధ్వర్యంలో శనివారం జేఏసీ కార్యాలయంలో స్టీరింగ్ కమిటీ సమావేశమై పలు అంశాలపై సుదీర్ఘంగా చర్చించింది.

విజయవాడ, నవంబర్ 11: కేరళలోని కొచ్చిలో నిర్మించిన కనె్వన్షన్ సెంటర్‌కంటే విశాఖలో నిర్మించనున్న సెంటర్, మాల్ గొప్పగా ఉండాలని లులు గ్రూపు ప్రతినిధులకు సిఎం చంద్రబాబు సూచించారు. కొచ్చిలో అత్యాధునిక వసతి సౌకర్యాలతో లులు గ్రూపు నిర్మించిన కనె్వన్షన్ సెంటర్, మాల్‌లను శనివారం సందర్శించారు.