అమరావతి, సెప్టెంబర్ 29: భూమినే నమ్ముకుని ఆరుగాలం కష్టపడే రైతును ఆర్థికంగా బలోపేతం చేసేందుకు అందరం కలసి పనిచేద్దామని సిఎం చంద్రబాబు అన్నారు. సమష్టి శ్రమ ఫలితం ప్రపంచానికి రోల్‌మోడల్ కావాలన్నారు. శుక్రవారం సచివాలయంలో బిల్‌గేట్స్ ఫౌండేషన్ ప్రతినిధులతో భేటీ అయ్యారు. సాగును లాభసాటిగా మార్చి, వ్యవసాయానికి భరోసా ఇవ్వాల్సిన బాధ్యత ప్రపంచ దేశాలపై ఉందన్నారు.

హైదరాబాద్, సెప్టెంబర్ 28: ఆంధ్ర, తెలంగాణ రాష్ట్రాల్లో ఈ ఏడాదికి మంచినీటి బెంగ తీరింది. శ్రీశైలం మల్లన్న సాక్షిగా శ్రీశైలం డ్యాంలో 150 టిఎంసి నీరు చేరింది. ఈ డ్యాం మొత్తం నీటి నిల్వ సామర్ధ్యం 215 టిఎంసి. దీంతో కృష్ణా జలాలపై ఆధారపడి ఉన్న రెండు రాష్ట్రాల్లో 30 మున్సిపాలిటీలు, వేలాది గ్రామాలు, గ్రేటర్ హైదరాబాద్ నగర పాలక సంస్ధ దాహార్తి తీరనుంది.

ఖమ్మం, సెప్టెంబర్ 28: నక్సలైట్ల వార్తల సేకరణకు వచ్చే జర్నలిస్టులపై కఠినంగా ఉండాలని ఛత్తీస్‌గడ్ పోలీసులు ఆదేశాలు జారీ చేసినట్టు తెలిసింది. ఈ మేరకు పోలీసు ఉన్నతాధికారుల చెప్పినట్టుగా వచ్చిన ఒక ఆడియో క్లిప్ సామాజిక మాధ్యమాల్లో వైరల్‌గా మారింది. ఆ రాష్ట్రంలో జరుగుతున్న పరిణామాలను పాత ఖమ్మం జిల్లాకు చెందిన పాత్రికేయులు కవర్ చేస్తుంటారు.

హైదరాబాద్, సెప్టెంబర్ 28: సాంకేతిక లోపంతో ఓ శిక్షణ విమానం కూలిపోయింది. దీంతో చెలరేగిన మంటల్లో కాలి బూడిదయింది. మేడ్చల్ జిల్లా కీసర సమీపంలోని అంకిరెడ్డిపల్లి, పెద్దమ్మ చెరువు వద్ద గురువారం ఉదయం ఈ సంఘటన చోటుచేసుకుంది. హకీంపేట్ వైమానిక శిక్షణ కేంద్రం నుంచి విమానం బయల్దేరిన కొద్దిసేపటికే ఈ ప్రమాదం సంభవించింది. ఆ సమయంలో విమానంలో పైలట్‌తో పాటు మరో ఇద్దరు శిక్షకులు ఉన్నారు.